08.10.2026 | 20:43
Իսրայելն Ադրբեջանում արևմտյան չափանիշներով զենքի արտադրման գործարան է բացել
Հայաստանը որ երկրների հետ ունի լավ հարաբերություններ․ IRI-ի հարցման արդյունքները
Քաղաքականություն
03.05.2023 | 22:30
Միջազգային հանրապետական ինստիտուտի (ՄՀԻ)` Հարցումների հետազոտության կենտրոնի նոր համապետական հարցման արդյունքում ՀՀ-ում հարցվածների մեծամասնությունը՝ 63 տոկոսը պատասխանել է, որ ներկա իրավիճակում Ֆրանսիայի հետ հարաբերությունները «շատ լավ են»։ Հարցվածների ընդամենը 10 տոկոսն է նշել, որ «շատ լավ են» հարաբերությունները Ռուսաստանի հետ, իսկ 89 տոկոսը «շատ վատ են» պատասխանն է տվել Հայաստանի և Ադրբեջանի միջև հարաբերություններին։
«Որո՞նք են համարվում ավելի կարևոր քաղաքական գործընկերներ Հայաստանի համար» հարցին 75 տոկոս կազմող մեծամասնությունը կրկին պատասխանել է՝ Ֆրանսիան։ Եռյակը, համապատասխանաբար, 67 և 52 տոկոսով ամփոփում են Իրանը և ԱՄՆ-ը։
Ուշագրավ է, որ չնայած երկրների հարաբերությունների և քաղաքական գործընկերների ցուցանիշներում Ռուսաստանն ավելի ցածր տեղ է զբաղեցնում, այնուամենայնիվ, տնտեսական գործընկերների թվում հարցվածների մեծամասնությունը կարծիք է հայտնել, որ Ռուսաստանն ամենակարևոր տնտեսական գործընկերն է։ Այսպիսով, 61 տոկոսով առաջին տեղում է Ռուսաստանը, 60 տոկոսով՝ Իրանը, 43 տոկոսով՝ Չինաստանը։ Իսկ հարցվածների 10 տոկոսի համար առավել կարևոր տնտեսական գործընկեր է համարվել Թուրքիան։
Անի Թամրազյան
