05.06.2026 | 00:02
Փաշինյանին և Թաթոյանին զրկեցին խոսքի իրավունքից. ՏԵՍԱՆՅՈՒԹ
ԵՄ-ն դիտարկում է Ռուսաստանի տարածքով ապրանքների տարանցումը սահմանափակելու հնարավորությունը․ Bloomberg
Քաղաքականություն
03.05.2023 | 13:59
ԱՄՆ-ը, Եվրոպան և Ուկրաինայի մյուս դաշնակիցները նոր պատժամիջոցներ են նախապատրաստում Ռուսաստանի դեմ՝ փորձելով մեծացնել ճնշումը ՌԴ տնտեսության վրա պատերազմից ավելի քան 14 ամիս անց: Եվրամիությունը դիտարկում է Ռուսաստանի տարածքով ապրանքների տարանցումը սահմանափակելու հնարավորությունը՝ հակառուսական պատժամիջոցների 11-րդ փաթեթի շրջանակներում։ Այս մասին չորեքշաբթի հայտնել է Bloomberg-ը՝ հղում անելով սեփական աղբյուրներին։
Ըստ այդ տեղեկությունների՝ այս առաջարկը դիտարկվում է Մոսկվայի նկատմամբ արդեն իսկ սահմանված սահմանափակումների շրջանցման դեմ պայքարի համատեքստում։
Ըստ Bloomberg-ի աղբյուրների՝ մասնավորապես, Կանադան աշխատում է մարդու իրավունքների պաշտպանությանը վերաբերող, ինչպես նաև՝ Ռուսաստանի պաշտպանական արդյունաբերության սահմանափակումներին վերաբերող պատժամիջոցների վրա։ G7 երկրներն իրենց ծրագրերը կհրապարակեն այս ամիս Ճապոնիայում կայանալիք գագաթնաժողովի ժամանակ:
