07.10.2026 | 23:48
Արթուր Դանիելյանը կալանավորվեց
Սամվել Գասպարյանը՝ ծանրամարտի Եվրոպայի կրկնակի չեմպիոն, Պետրոս Պետոսյանը՝ բրոնզե մեդալակիր
22.04.2023 | 19:53
Հայաստանի ծանրամարտի հավաքականի անդամ, աշխարհի առաջնության բրոնզե մեդալակիր Սամվել Գասպարյանը (109 կգ) կարիերայում երկրորդ անգամ հռչակվել է Եվրոպայի մեծահասակների չեմպիոն՝ Երևանում ընթացող առաջնությունում ոսկե մեդալ նվաճելով երկամարտի 395 կգ արդյունքով (175+220 կգ): Գասպարյանը փոքր ոսկե մեդալներ է նվաճել նաև պոկում և հրում վարժություններում:
Այս քաշային կարգում Հայաստանի մյուս ներկայացուցիչ, 20-ամյա Պետրոս Պետրոսյանը երկամարտի 379 կգ արդյունքով (165+214 կգ) զբաղեցրել է երրորդ հորիզոնականը և դարձել բրոնզե մեդալակիր: Հրում վարժությունում հայ ծանրորդն արժանացել է փոքր արծաթին՝ 214 կգ արդյունքով:
Այս քաշային կարգում Եվրոպայի առաջնությանը մասնակցել է նաև Ավստրիան ներկայացնող մեր հայրենակից Սարգիս Մարտիրոսյանը, որը փոքր բրոնզե մեդալ է նվաճել պոկում վարժությունում` 165 կգ արդյունքով: Երկամարտում Մարտիրոսյանը զբաղեցրել է 7-րդ հորիզոնականը՝ 363 կգ արդյունքով:
Հայաստանի թիմը երկամարտում արդեն 10 մեդալ է նվաճել:
