08.04.2026 | 22:14
Արփինե Սարգսյանը պարգևատրել է Փրկարար ծառայության և Ոստիկանության լավագույն ծառայողներին ու ստորաբաժանումների ղեկավարներին
ՌԴ-ն կրակե՛ց իր ոտքին՝ ՀՀ-ին սպառնալիքները անիմաստ են, քո սանկցիաներից չե՛նք կործանվի․ Հովսեփ Խուրշուդյան․ ՏԵՍԱՆՅՈւԹ
Քաղաքականություն
18.04.2023 | 21:02
ՌԴ-ի իշխող «Եդինայա Ռոսսիյա» կուսակցության պատգամավոր Եվգենի Ֆեոդորովը ասել է, թե Հայաստանը ԽՍՀՄ-ից ապօրինի է դուրս եկել, քանի որ չի ավարտել ընթացակարգը, թե այդ պատճառով Երևանը Մոսկվայի դաշնակից համարվելու իրավական հիմքեր չունի, թե ՀՀ-ն վիճելի տարածք է։ Ի՞նչ վտանգներ է պարունակում այսպիսի խոսույթի զարգացումը ՀՀ-ի համար։
«Ազատ քաղաքացի» ՀԿ ղեկավար Հովսեփ Խուրշուդյանի խոսքով՝ այս ռուս պատգամավորն իր տգիտությունն է ցուցադրում, քանի որ ՀՀ-ն միակ Հանրապետությունն է եղել, որը պահպանել է ԽՍՀՄ-ից դուրս գալու բոլոր ընթացակարգերը․ «Ավելին՝ այն ժամանակ շատ անկախականներ մեղադրում էին ՀՀ իշխանություններին, որ ձգձգում են պրոցեսը և հետևում են չարիքի կայսրության օրենսդրությանը, որպեսզի այս ամբողջ ընթացակարգերը պահպանեն։ Մենք վեց ամիս ուշ անկախացանք միայն այն պատճառով, որ ՀՀ-ն պահպանեց ընթացակարգերը, հանրաքվեի դրեց, վեց ամիսը լրացավ, հետո նոր՝ անկախացավ։ Այնպես որ, եթե նույնիսկ այդպիսի հարց առաջանա, ես կարծում եմ՝ ՌԴ-ն է ապօրինի դուրս եկածը ԽՍՀՄ-ից»,- ասաց Հովսեփ Խուրշուդյանը։
Ըստ նրա՝ այսպիսով ՌԴ-ն կրակում է ինքն իր ոտքին, քանի որ ՀՀ-ին ուղղված սպառնալիքները անիմաստ են դառնում։ Մոսկվայի կիրառած սանկցիաներից ՀՀ-ն չի կործանվի՝ այլ կգտնի այլընտրանքներ։
Հարցազրույցն ամբողջությամբ՝ տեսանյութում։
Ռոբերտ Անանյան
