19.03.2026 | 18:50
Անահիտ Մանասյանը հանդիպել է Ադրբեջանից վերադարձած Դավիթ Դավթյանին
Երբ մենք արհամարհում ենք մտավոր վերնախավին, այն ոչնչանում է. ապաքաղաքական զրույց Բորիս Նավասարդյանի հետ. ՏԵՍԱՆՅՈՒԹ
Հաղորդաշարեր
16.04.2023 | 21:00
Factor TV-ի A-Politic հաղորդաշարի հյուրն է Երևանի մամուլի ակումբի նախագահ Բորիս Նավասարդյանը: Նրա կարծիքով՝ 2018 թվականի հեղափոխության ժամանակ քաղաքացիների մեծամասնությունը մերժում էր հենց պետական վերնախավը, իշխանությանը, իսկ մտավորական, գիտական, մշակութային վերանախավի մեծ մասի նկատմամբ վերաբերմունքը բացասական էր այն պատճառով, որ այդ շերտն ընկալվում էր որպես այդ մերժելի համակարգի մի մաս:
Անդրադառնալով այն հարցին, թե որոնք են Հայաստանի Երրորդ հանրապետության վերնախավի ակունքները՝ ԵՄԱ նախագահը տեսակետ հայտնեց, որ եթե խոսքը տնտեսական վերնախավի մասին է, ապա այն հիմնականում կազմվում էր մարդկանցից, որոնք 1988 թվականին զգացել էին իշխանափոխության հնարավորությունը և զուտ պրագմատիկ նկատառումներով մտերամացել էին «Ղարաբաղ» կոմիտեի անդամների հետ: Հաջորդ 30 տարիների ընթացքում նրանք հարմարվել են իշխանափոխություններին՝ շատ դեպքերում պահպանելով իրենց դիրքերը:
Երբ իշխանության են գալիս պոպուլիստական ուժերը, նրանք մշտապես ընդգծում են իրենց և «հասարակ ժողովրդի» անմիջական կապը, այդ պարագայում հասարակության մեծ մասը չի ընդունում մտավորական վերնախավի առկայությունը և զրկվում է «վարքային մոդելներից», որոնցով պետք է առաջնորդվի: Այդպիսով, ըստ հաղորդման հյուրի, այդ վերնախավը մարգինալացվում է և, ըստ էության, անհետանում:
Մանրամասները՝ տեսանյութում:
