Փաշինյա՞նն է ճիշտ, թե՞ Սերժ Սարգսյանը․ գաղտնի փաստաթղթի հրապարակման առաջարկը․ ՏԵՍԱՆՅՈՒԹ

Նիկոլ Փաշինյանն ու Սերժ Սարգսյանը միմյանց մեղադրում են հայ-ռուսական հարբերությունները փչացնելու համար։ Փաշինյանն իր հերթին է ենթադրյալ փաստեր ներկայացնում, Սարգսյանն՝ իր։ Փաշինյանը խորհրդարանում՝ ապրիլի 12-ին, պատասխանելով իր կուսակցությունը ներկայացնող խմբակցության պատգամավոր Սիսակ Գաբրիելյանի հարցին ՌԴ-ի կողմից Ադրբեջանին մեծ խմբաքանակով զենք վաճառելը ներկայացնում էր Սերժ Սարգսյանի իշխանության տարիների ձախողում։
Նշենք, որ 2011-2020 թվականներին Ադրբեջան իր բանակի ամբողջ զինանոցի 67 տոկոսը ձեռք է բերել Հայաստանի ռազմակավարական դաշնակից համարվող Ռուաստանից ու ՀԱՊԿ գործընկեր Բելառուսից։ Վաճառված զինատեսակների ցանկում տանկեր են, հակատանկային հրթիռներ, մարտական ուղղաթիռներ, զենիթահրթիռային համակարգեր և այլ սպառազինություն։
«Ազգային ինքնորոշում միավորում» կուսակցության նախագահ Պարույր Հայրիկյանը նշում է՝ ՀՀ իշխանությունները համարձակություն չունեին Ռուսաստանի ղեկավարությանը հակադարձելու։
Դիզվառելիքի ենթադրյալ յուրացման գործով անցնող Սերժ Սարգսյանը երեկ դատարանի բակում անդրադարձել էր Նիկոլ Փաշինյանի հայտարարություններին և պահանջել հանրայնացնել իր կողմից գրված նամակը։ Սերժ Սարգսյանը պնդում է՝ որ իր գործունեության ընթացքում չի ստորագրել որևէ փաստաթուղթ, որի համար ՀՀ քաղաքացիները կարող էին ամաչել։Նախկին նախագահն իր հերթին հիշեցրել է հավանական իրադարձություններ, որոնք կարող էին վաթարացնել հայ-ռուսական հարաբերությունները՝ մասնավորեցնելով, 2018-ին Յուրի Խաչատուրովի նկատմամաբ քրգործ հարուցելը, երբ նա զբաղեցնում էր ՀԱՊԿ գլխավոր քարտուղարի պաշտոնը։
Քաղաքական գիտությունների թեկնածու Հայկ Սուքիասյանը նշում է, որ այժմ հայ-ռուսական հարաբերությունները բարիդրացիական չեն, քանի որ Ռուսաստանի շահերը համընկնում են թուրք-ադրբեջանական շահերի հետ։
Նիկոլ Փաշինյանը վարչապետի պաշտոնը ստանձնելիս տարբեր առիթներով հայտարարում էր, որ հայ-ռուսական հարաբերությունները երրորդ հանրապետության պատմության մեջ ամենափայլունն են։ Պարույր Հայրիկյանը սա աբսուրդ է համարում։
Նշենք, որ հայ-ռուսական հարաբերությունների վատթարացումն առավել նկատելի դարձավ 44-օրյա պատերազմից հետո, երբ ՀՀ տարածք ադրբեջանական ներխուժումներից հետո Մոսկվան և ՀԱՊԿ-ն անարձագանք թողեցին Երևանի օգնության դիմումները։

Մանրամասները՝ տեսանյութում։
Նարեկ Կիրակոսյան