10.08.2026 | 22:12
ԱՄՆ-ը, Հայաստանը և Ադրբեջանը համատեղ հայտարարություն են տարածել Վաշինգտոնի խաղաղության գագաթնաժողովի տարեդարձի առթիվ
Ըստ ԵԽ-ի՝ Թուրքիայում արտահերթ ընտրություններն անցել են վախի մթնոլորտում
Քաղաքականություն
25.06.2018 | 20:10
Եվրախորհրդարանի` (ԵԽ) Թուրքիայի հարցերով զեկուցող Քեթի Փիրին անդրադարձել է Թուրքիայում տեղի ունեցած արտահերթ և խորհրդարանական ընտրություններին. փոխանցում է ermenihaber-ը:
«Այս ընտրությունները կազմակերպվել են անբարենպաստ պայմաններում։ Մարդկանց վախեցրել են»,- նկատել է Փիրին։
Նա, խոսելով եվրաինտեգրման շուրջ Թուրքիայի հետ բանակցությունների հեռանկարների մասին, ասել է որ առայժմ Եվրախորհրդարանը չի մտածում դրանք կասեցնելու մասին։ Ի դեպ, վերջին շրջանում Թուրքիայում ներքաղաքական լարված իրավիճակի պատճառով լարվել էին նաև Անկարայի և Եվրամիության հարաբերությունները:
Փիրին զգուշացրել է, որ իրենք կարևորություն են տալիս ոչ միայն Թուրքիայի նախագահ Ռեջեփ Թայիփ Էրդողանին, այլև Թուրքիայում գործունեություն ծավալող այլ քաղաքական ուժերի ներկայացուցիչներին և նրանց հետ կապը մշտապես պահպանում են։
Հիշեցնենք, որ հունիսի 24-ին կայացած ընտրությունների ոչ պաշտոնական տվյալներով՝ Թուրքիայի նախագահ Ռեջեփ Թայիփ Էրդողանը վերընտրվել է իր պաշտոնում, իսկ նրա ղեկավարած «Արդարություն և զարգացում» (ԱԶԿ-AKP) կուսակցությունը հաղթել է խորհրդարանական ընտրություններում։
