15.10.2026 | 22:37
Երևանի հեռուստաաշտարակը լուսավորվել է վարդագույնով՝ ի նշան կրծքագեղձի քաղցկեղի դեմ պայքարի
Թեհմինե Ենոքյանի այգու ծառահատումների դեպքով քրեական վարույթ է նախաձեռնվել
Հասարակություն
06.04.2023 | 18:21
Թեհմինե Ենոքյանի կողմից հաղորդում է ստացվել Ոստիկանություն, որ Գնդեվազ գյուղում իրենց պատկանող այգում ծառեր են կացնահարվել: Կատարված ստուգողական գործողություններով պարզվել է, որ տևական ժամանակահատվածում ապօրինի հատվել և վնասել են Ջերմուկ համայնքի Գնդեվազ բնակավայրում գտնվող Թեհմինե Ենոքյանին պատկանող 2 տարեկան բազմաթիվ ծառեր՝ վերջինիս պատճառելով գույքային վնաս, Factor.am-ին հայտնեցին քննչական կոմիտեից։
Դեպքի առթիվ ՀՀ քննչական կոմիտեի Վայոց Ձորի քննչական վարչությունում ՀՀ քրեական օրենսգրքի 264-րդ հոդվածի 1-ին մասի հատկանիշներով նախաձեռնվել է քրեական վարույթ: «Անմիջապես սկսված նախաքննությամբ ձեռնարկվում են անհրաժեշտ միջոցները՝ կատարվածի հանգամանքները, պատճառները, վնասի չափերը պարզելու, հանցավոր արարքը կատարած անձին կամ անձանց հայտնաբերելու ուղղությամբ»,- հայտնեց ՔԿ մամուլի խոսնակ Գոռ Աբրահամյանը։
Factor. am-ն ավելի վաղ հայտնել էր, որ անհայտ անձը հատել է 714 բալենի։
