04.05.2024 | 17:33
Սպասվում է անձրև, ամպրոպ ու քամու ուժգնացում
Ամերիկյան արտադրության ուղղաթիռների հայտնվելն Ադրբեջանում մտահոգել է ԱԺ փոխնախագահին
24.06.2018 | 11:48
ՀՀ Ազգային ժողովի նախագահի տեղակալ Արփինե Հովհաննիսյանը նամակով իր մտահոգությունն է ներկայացրել ԱՄՆ կոնգրեսական Ջեքի Սփիրին և ԱՄՆ Ներկայացուցիչների պալատի անդամ Թուլսի Գաբարդին ամերիկյան արտադրության «Bell 412» տեսակի ուղղաթիռների՝ Ադրբեջանի ռազմական շքերթում հայտնվելու վերաբերյալ:
Արփինե Հովհաննիսյանը իր նամակում գործընկերներին գրել է, որ Ադբեջանում այդ ուղղաթիռների հայտնվելը բազմաթիվ հարցերի և մտահոգությունների տեղիք է տալիս:
«Օգտակար կլինի իմանալ բոլոր կանոնադրական սահմանափակումները: Գործադիր իշխանությանը կամ այլ քաղաքական կառույցներին և երրորդ կողմին արգելվում է Ադրբեջանին ԱՄՆ արտադրության ռազմական սարքավորումների և տեխնոլոգիաների վաճառքը, փոխանցումը:
Ես շատ ուրախ կլինեմ, եթե դուք կիսեք իմ մտահոգությունները և հետևեք այս խնդրին, ինչպես նաև, եթե հնարավոր է, ինձ տեղեկություն տրամադրեք վերը նշված հարցի վերաբերյալ»,- գրել է Արփինե Հովհաննիսյանն իր նամակում:
Քաղաքագետ Սուրեն Սարգսյանը «Թվիթեր»-ի իր միկրոբլոգում առաջինն էր ահազանգել և անհասկանալի համարել, թե ինչպես է ամերիկյան արտադրության «Bell 412» տեսակի ուղղաթիռները հայտնվել Բաքվում՝ մասնակցելու ռազմական շքերթին:
