18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Դուք հանդես եք գալիս Ալիևի պաշտպանության դիրքերից, դժվար է անտեսել ձեր խանդաղատանքը նրա նկատմամբ․ Հայկ Կոնջորյան․ ՏԵՍԱՆՅՈՒԹ
Քաղաքականություն
21.03.2023 | 10:58
Հայաստան» դաշինքի պատգամավոր Անդրանիկ Թևանյանը ներկայացրեց Արցախում ստեղծված իրավիճակի շուրջ իրենց դաշինքի հայտարարության տեքստը, որի քվեարկությանը «Քաղաքացիական պայմանագիր» խմբակցությունը չմասնակցեց:
Խմբակցության ղեկավար Հայկ Կոնջորյանը հիշեցրեց, որ Լաչինի միջանցքի փակումից օրեր անց ԱԺ-ն ընդունել է հայտարարություն:
«Այս հայտարարությունը չի լուծում այն խնդիրները, որոնց մասին հրապարակայնորեն պնդումներ է անում ընդդիմությունը»,- նշեց նա:
Մեկնաբանելով հիմնական զեկուցող պարոն Թևանյանի «էկզոտիկ» մտքերը՝ Հայկ Կոնջորյանն ասաց. «Դուք ըստ էության հանդես եք գալիս Իլհամ Ալիևի պաշտպանության դիրքերից: Դժվար է արդեն ընդգծել ձեր ընդգծված խանդաղատանքը Իլհամ Ալիևի նկատմամբ, մի տեսակ տպավորություն է ստեղծվում, որ դուք ադրբեջանական թեզերի ջահակիր ասպետն եք խորհրդարանում: Մենք խոսում ենք խաղաղությունից, դուք մեզ ասում եք՝ պատերազմի կուսակցություն»:
Նա նշեց, որ եթե իրենք քաղաքական հիշողություն չունենային, կմոռանային, որ Անդրանիկ Թևանյանը ներկայացնում է այն մարդու՝ Ռոբերտ Քոչարյանի խմբակցությունը, որը ժամանակին բանակցում էր ընդհանուր պետության շուրջ, համաձայն որի՝ ԼՂ հայությունը պետք է ունենար ադրբեջանական անձնագրեր: «Հերիք է գալ այստեղ և զբաղվել Իլհամ Ալիևի փաստաբանական գործունեությամբ»,- ամփոփեց Կոնջորյանը:
Մանրամասները՝ տեսանյութում։
