27.04.2026 | 11:20
Արամ Սարգսյանը ներկայացնում է «Հանրապետություն» կուսակցության նախընտրական ծրագիրը․ ՏԵՍԱՆՅՈՒԹ
Հայաստանի կոռուպցիոն պատկերի մեկ օրը․ ձի և ձու գողացողների մասին. ՏԵՍԱՆՅՈՒԹ
Քաղաքականություն
21.06.2018 | 21:34
Հայաստանի իրավապահ համակարգն ակտիվորեն զբաղված է հատուկ գործողություններով: Հատկապես վերջին օրերին՝ վարչապետ Նիկոլ Փաշինյանի հայտարարած «Զրո անհանդուրժողականություն կոռուպցիայի նկատմամբ» կարգախոսից հետո ամեն օր տեղեկանում ենք բազմաթիվ բացահայտումների մասին, երբեմն մեկ օրում նման դեպքերը գերազանցում են տասնյակը:
Բացահայտվող կոռուպցիոն դրսևորումների չափը խիստ տարբեր է՝ մանկապարտեզի տնօրենի փոքրիկ յուրացումից մինչև 2 մլրդ դրամ հարկային պարտավորությունների չկատարում: Ամեն օր հանրությունը սպասում է նորանոր բացահայտումների ու հատկապես ակնկալում է, որ իրավապահների թիրախում կլինեն հայտնի մարդիկ, որոնց ագահության մասին լեգենդներ են պտտվում:
Մաքրման այս գործընթացը նաև ցավալի պատկեր է ի հայտ բերում: Պարզվում է, որ մեր երկրում թալանում են գրեթե բոլոր նրանք, ովքեր ունեն դրա հնարավորությունը՝ չնչին՝ 500 դրամից, ինչպես Գյումրու թիվ 40 դպրոցում, մինչև ահռելի գույք եւ միջոցներ՝ ինչպես հայտնի գեներալի պարագայում: Ու դեռ ծայրը չի երևում:
Մանրամասն՝ տեսանյութում:
