24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Գեղարքունիքի և Տավուշի հատվածներում ռազմական տեխնիկայի տեղաշարժ կա. Թովմասյան․ ՏԵՍԱՆՅՈՒԹ
Քաղաքականություն
17.03.2023 | 13:55
Ինչպես Հայաստանում, այնպես էլ Արցախում, շփման գծի ամբողջ երկայնքով նկատվում է ադրբեջանական զինուժի, ռազմական տեխնիկայի տեղաշարժ. սահմանամերձ բնակավայրերի բնակիչների համար է անգամ այն տեսանելի: Այս մասին այսօր լրագրողների հետ զրույցում նշեց ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը՝ նշելով, որ այդ մասին ահազանգեր է ստացել։
Պատգամավորը հայտնեց, որ միջազգային գործընկերներին տեղեկացրել է այդ մասին։
Թովմասյանը հրատապ գրություններով դիմել է միջազգային բոլոր գործընկերներին` ահազանգելով Ադրբեջանի կողմից տարածաշրջանում հարաբերական կայունության լրջագույն սպառնալիքների, Ադրբեջանի տարածքային նկրտումների մասին, որն արտահայտվում է թե՛ Ալիևի ծավալապաշտական հռետորաբանությամբ, երբ Հայաստանի Հանրապետության սուվերեն տարածքն անվանում է «Արևմտյան Ադրբեջան», իսկ Արցախը` «Ադրբեջան», թե՛ արդեն շուրջ 100 օր Արցախի շրջափակմամբ` հումանիտար աղետի ծանրագույն հետևանքներով, թե՛ Հայաստանի Հանրապետության, ինչպես նաև Արցախի Հանրապետության շփման գծերի ամբողջ երկայնքով ադրբեջանական զինուժի կուտակած ծանր տեխնիկայով:
Մանրամասները՝ տեսանյութում։
