06.06.2026 | 19:42
«10 հոգի գալում ենք միտինգի». նոր գաղտնալսում ընտրակաշառքի գործով
Թուրքիայի առևտրի դեֆիցիտը երկրաշարժերից հետո աճել է 52,8 տոկոսով
Քաղաքականություն
02.03.2023 | 22:51
Թուրքիայի արտաքին առևտրի դեֆիցիտը փետրվարին կազմել է 12,19 մլրդ դոլար՝ տարեկան կտրվածքով աճելով 52,8 տոկոսով, ինչն ընդգծում է անցյալ ամսվա հզոր երկրաշարժերի ազդեցությունն առևտրի վրա, գրում է Turkish Minute-ը՝ վկայակոչելով Առևտրի նախարարության տվյալները։
Նշվում է, որ արտահանումը կրճատվել է 6,4 տոկոսով՝ կազմելով 18,64 մլրդ դոլար, մինչդեռ ներկրումն աճել է 10,6 տոկոսով՝ կազմելով 30,83 մլրդ դոլար։
Ներմուծման աճը հիմնականում պայմանավորված է չմշակված ոսկու ներկրման 858,7 տոկոս աճով, մինչդեռ երկրաշարժերը հանգեցրել են արտահանման 1,5 միլիարդ դոլարի անկման։
Հաղորդվում է, որ արտահանման նշանակալի անկում է գրանցվել Ադըյաման, Հաթայ, Քահրամանամարաշ ու Մալաթիա նահանգներում, որոնք ավերիչ երկրաշարժից ամենաշատ տուժած շրջաններն են։
Էմմա Չոբանյան
