02.03.2026 | 15:06
Զինվորի սպանության գործով մեկ անձ կալանավորվել է
Թուրքիայի վարչապետի արձագանքը՝ ԱՄՆ-ի սենատի որոշմանը
Քաղաքականություն
19.06.2018 | 21:33
Թուրքիայի վարչապետ Բինալի Յըլդըրըմը մեկնաբանել է ԱՄՆ-ի սենատի կողմից Թուրքիայի դեմ պատժամիջոցներ սահմանող օրինագծի վավերացման մասին որոշումը. տեղեկացնում է ermenihaber-ը:
«Թուրքիան այն երկիրը չէ, որը չունի այլընտրանք։ Մենք ձեռնարկում ենք մեր միջոցները։ Պաշտպանական ռազմարդյունաբերության ոլորտում ավելացնում ենք ազգային և տեղական արտադրանքը։ Էմբարգոն չի կարող պատճառ դառնալ պաշտպանական ոլորտում թուլության դրսևորմանը։ Այս ամենը մտահոգիչ է և հակասում է մեր միջև եղած ռազմավարական, դաշնակցային ոգուն»,- նկատել է տվել Բինալի Յըլդըրըմը։
Հիշեցնենք, որ այդ օրինագծով, Թուրքիայի դեմ պատժամիջոցներ կսահմանվի այն դեպքում, երբ վերջինս Ռուսաստանից ձեռք կբերի ռուսական «S-400» ՀՕՊ համակարգերը։ Թուրքիայի դեմ պատժամիջոցներ կսահմանվի նաև այն դեպքում, եթե թուրքական կողմն ազատ չարձակի ամերիկացի հոգևորական Էնդրյու Բրունսոնին։
