16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Բախմուտի շրջանում մարտերի ինտենսիվությունն աճում է․ Զելենսկի
Քաղաքականություն
01.03.2023 | 11:06
Ուկրաինայի նախագահ Վլադիմիր Զելենսկին երեկոյան ելույթի ժամանակ ասել է, որ իրավիճակը դեռևս բարդ է մնում Բախմուտ քաղաքի շրջանում, որի համար ընթանում են կատաղի մարտեր, և ռուսական զորքերը, նախագահի խոսքով, այս ուղղությամբ մեծ կորուստներ են կրում, գրում է BBC-ի ռուսական ծառայությունը։
«Ամենադժվարը դեռևս Բախմուտում է, քաղաքի պաշտպանության համար կարևոր մարտերն են։ Ես միայն մեկ օրինակ բերեմ։ Հիմա մենք բավականին հաճախ ենք Գերագույն հրամանատարի հետ հանդիպում՝ շաբաթը առնվազն երկու անգամ։ Վերջին հանդիպումը հինգշաբթի էր։ Իսկ այսօր գեներալ Սիրսկին զեկուցել է, որ վերջին հանդիպումից ի վեր միայն այս քաղաքի ուղղությամբ սպանվել է մոտ 800 թշնամի»,- ասել է Զելենսկին։
«Ռուսաստանն ընդհանրապես չի հաշվում մարդկանց՝ նրանց ուղարկելով մեր դիրքերի վրա անդադար գրոհների: Մարտերի ինտենսիվությունը միայն աճում է: Շնորհակալ եմ բոլոր ուկրաինացի զինվորներին, ովքեր, չնայած օկուպանտի այս խելահեղ ճնշմանը, պաշտպանում են մեր դիրքերը և ոչնչացնում ռուսական բանակը», – ասել է Ուկրաինայի նախագահը։
