06.06.2026 | 17:34
Աննախադեպ կարկուտի պատճառով Ստեփանավանի համայնքապետարանն անցել է արտակարգ ռեժիմի. հայտարարություն
Կարո՞ղ եք կոնկրետ շահերի բախման դեպքեր նշել․ կարո՞ղ է միջանձնային հարաբերությունների հարց է․ Արծվիկ Մինասյանը՝ արդարադատության ակադեմիայի ռեկտորին որակավորման հանձնաժողովից հանելու առաջարկի մասին․ ՏԵՍԱՆՅՈՒԹ
Քաղաքականություն
27.02.2023 | 12:25
ԱԺ պետաիրավական հարցերի մշտական հանձնաժողովը երկրորդ ընթերցմամբ քննարկում է «ՀՀ քրեական դատավարության օրենսգրքում լրացումներ կատարելու մասինե և «Դատախազության մասին» օրենքում փոփոխություններ և լրացումներ կատարելու մասին» օրենքների նախագծերի փաթեթը:
Նախագծերի ընդունմամբ լրացվում են ՀՀ օրենսդրության մեջ առկա մի շարք բացերը և ոչ ամբողջական կարգավորումները, որոնց նպատակը ՀՀ դատախազության գործունեության արդյունավետության բարձրացումն է:
Նախագծերի փաթեթով ի թիվս մի շարք փոփոխությունների նախատեսվում է նաև Գլխավոր դատախազին առընթեր որակավորման հանձնաժողովի կազմում ընդգրկել 3-ի փոխարեն 4 իրավաբան գիտնականներ, հանձնաժողովի կազմից հանել Արդարադատության ակադեմիայի ռեկտորին։
Կարո՞ղ եք կոնկրետ շահերի բախման դեպքեր նշել, որ ձեզ բերել է այս եզրահանգման։ Կարո՞ղ է միջանձնային հարաբերությունների հարց է» ,- հետաքրքրվեց ընդդիմադիր պատգամավոր Արծվիկ Մինասյանը՝ անդրադառնալով արդարադատության ակադեմիայի ռեկտորին որակավորման հանձնաժողովից հանելու առաջարկին։
«Պահանջը մեկը պետք է լինի՝ որակավորման հանձնաժողովի անդամը իրավաբան գիտնական պետք է լինի և ոչ քաղաքական անձ»,- նշեց Մինասյանը։
Ընդդիմադիր պատգամավորն առաջարկեց հետաձգել նախագծի ընդունումը՝ հնարավորություն ընձեռելով օբյեկտիվորեն քննարկել․ «Այս նախագիծը հրատապությամբ անպայման ընդունելը մի՛ փաթաթեք մեր վզին»։
Մանրամասները՝ տեսանյութում։
