23.05.2026 | 14:02
ՊՆ-ն փոխե՞լ է Զինված ուժերի զինանշանը․ զորահանդեսի ցուցապաստառին այլ զինանշան է
Մենք պետք է ոչ թե հրահանգներով աշխատենք, այլ՝ անհրաժեշտություններով․ Նիկոլ Փաշինյան
Քաղաքականություն
19.06.2018 | 16:19
Ինչպես արդեն տեղեկացրել ենք ՀՀ վարչապետ Նիկոլ Փաշինյանն այսօր այցելել էր «Սինոփսիս Արմենիա» ընկերություն։ Լրագրողների հետ զրույցում, անդրադառնալով ՀՀ ներքաղաքական զարգացումներին, վարչապետը նշեց, որ չի ցանկանում կոնկրետ հասցեավորել այդ զարգացումները, բայց հնչեցրել է որոշ հարցերի վերաբերյալ ահազանգ։
Հարցին՝ ինչպես է վերաբերվում Մանվել Գրիգորյանի շուրջ կատարվողին, Նիկոլ Փաշինյանը նկատեց․ «Մենք ունեինք օպերատիվ տեղեկություններ և իրացրել ենք այդ օպերատիվ տեղեկությունները»: Վարչապետը հրաժարվեց այլ մանրամասներ հայտնել։
Հարցին՝ արդյոք ԱԱԾ-ն ստուգումներ կանցկացնի՞ նաև այլ ոլորտներում՝ մասնավորապես գնումների ոլորտում, վարչապետը պատասխանեց․ «Այն ոլորտներում, որտեղ կլինի անհրաժեշտություն, ստուգումներ կանցկացվեն, չի լինի անհրաժեշտություն՝ չեն ստուգվի։ Կարծում եմ՝ մենք պետք է ոչ թե հրահանգներով աշխատենք, այլ անհրաժեշտություններով»։
