15.02.2026 | 14:43
Մայր Աթոռը լինելու է Հայաստանում, եթե նույնիսկ ոմանց պատճառով Հայաստանի Հանրապետությունը չլինի. Նաթան արքեպիսկոպոս Հովհաննիսյան
ՌԴ-ն հույս չէ, որ Ալիևը ԼՂ-ում հակատեռորիստական ակցիա չի սկսի․ ԵՄ դիտորդներ տեղակայելով՝ կխուսափենք դրանից. Դավիթ Ստեփանյան. ՏԵՍԱՆՅՈՒԹ
Քաղաքականություն
24.02.2023 | 20:32
Հաագայի դատարանում Ադրբեջանի կրկնակի պարտությունից հետո, երբ մերժվեց նրա հայցը ՀՀ-ի դեմ, և Բաքվին պարտավորեցրին բացել Լաչինի միջանցքը, Արցախի պետնախարարի պաշտոնից հեռացվեց Ռուբեն Վարդանյանը՝ Արայիկ Հարությունյանի հրամանագրով։
Միջազգային և անվտանգության հարցերի հայկական ինստիտուտի ասոցացված փորձագետ Դավիթ Ստեփանյանին հարց ուղղեցինք՝ ի՞նչ պատճառ ուներ սա։
«Ռուբեն Վարդանյանը չի հեռացվել, լքել է իր պաշտոնը՝ սեփական կամքով։ Ուղղակի նա հրապարակային չխոսեց պատճառների մասին։ Դա եղել է իր որոշումը, որ Արայիկ Հարությունյանը նրան ազատի պաշտոնից հրամանագրով։ Հաագայի վճռի հետ կապ չեմ տեսնում»,- ասաց նա։
Չնայած Վլադիմիր Պուտինը նոյեմբերի 23-ին գտնվելիս ՀՀ-ում ՀԱՊԿ-ի նիստի շրջանակում Նիկոլ Փաշինյանին բացասական պատասխան էր տվել, թե ինքը չի եղել Ռուբեն Վարդանյանին նշանակողը, ամեն դեպքում՝ Իլհամ Ալիևն անգամ Մյունխենում էր Ռուբեն Վարդանյանին կապում Մոսկվայի հետ։
Արայիկ Հարությունյանն ասաց՝ իր որոշումները չի համաձայնեցնում որևէ մեկի հետ։ Ինչքանո՞վ է Ռուբեն Վարդանյանի հեռացումն առնչվում Մոսկվա-Բաքու հարթությանը։
«Միայն պարոն Վարդանյանը կարող է ասել՝ ինչ մոտիվացիա է ունեցել, երբ որոշել է դառնալ Արցախում պետնախարար։ Չեմ բացառում, որ նա դա արել է հայրենասիրական մղումներով և իրոք ուզել է կառուցել քաղաքական կարիերա։ Նաև չեմ բացառում, որ դա կարող է ունենալ ռուսական հետք, և նա որպես ռուսական մարզպան՝ ղեկավարեր Արցախը, ինչպես տեսնում են Մոսկվայում։ Երկու վարկածն էլ ես ընդունում եմ, որովհետև իրականությունը չգիտեմ»,- ասաց Դավիթ Ստեփանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
