29.04.2026 | 15:27
Ուկրաինայում ԱՄՆ դեսպանը հեռանում է պաշտոնից, ըստ լուրերի՝ Թրամփի հետ տարաձայնությունների պատճառով
Իրանին հարվածելու համար Թուրքիան իր տարածքը չի տրամադրի ԱՄՆ-ին
Քաղաքականություն
18.06.2018 | 17:20
Թուրքիայի վարչապետ Բինալի Յըլդըրըմը մասնակցել է թուրքական «Babala TV» հեռուստաընկերության հաղորդումներից մեկին, որի ընթացքում խոսել է Ինջիրլիքի ռազմաբազայի օգտագործման նպատակաների մասին: Այդ ռազմաբազան գտնվում է Թուրքիայի Ադանա նահանգում. տեղեկացնում է ermenihaber-ը:
Յըլդըրըմը, անդրադառնալով ԱՄՆ-ի այն հայտարարություններին, թե հարկ եղած դեպքում պաշտոնական Վաշինգտոնը կարող է հարվածել Իրանի Իսլամական Հանրապետությանը, ասել է.
«Մենք Ինջիրլիքի ռազմաբազան թույլ տվեցինք օգտագործել միայն ահաբեկչության դեմ պայքարի շրջանակներում։ Ոչ մի երկիր երբեք մեր ռազմաբազաները չի կարող օգտագործել այլ երկրներին հարվածելու նպատակով։ Իրանը մեր 600 տարվա հարևանն է։ Քասր ի Շիրինի պայմանագրից սկսած մենք Իրանի հետ չենք պատերազմել։ Խոսք լինել անգամ չի կարող այն մասին, թե մենակ կաջակցենք մեր հարևանի դեմ պատերազմող կողմին։ Ցանկանում եմ հիշեցնել, արդյո՞ք Իրաքի օկուպացիայի ժամանակ ԱՄՆ-ը կարողացավ օգտագործել Թուրքիայի տարածքը։ Այդ օպերացիան պետք է իրականացվեր Թուրքիայի տարածքով, բայց մենք նրանց մերժեցինք»,-ասել է Թուրքիայի վարչապետը։
Հիշեցնենք, որ 2003-ին Թուրքիան ԱՄՆ-ին թույլ չտվեց իր տարածքով Իրաքի դեմ երկրորդ ճակատը բացել:
