25.11.2024 | 11:51
Սոչի-Անթալիա թռիչքն իրականացնող օդանավը վայրէջքի ժամանակ հրդեհվել է
ԵՄ-ն մտադիր է պատժամիջոցներ կիրառել Իրանի դեմ
Քաղաքականություն
15.02.2023 | 16:24
Եվրամիությունը (ԵՄ) մտադիր է պատժամիջոցներ կիրառել Իրանում այն կազմակերպությունների դեմ, որոնք, կառույցի կարծիքով, աջակցում են Ուկրաինայում Ռուսաստանի գործողություններին։ Այս մասին հայտարարել է Եվրահանձնաժողովի (ԵՀ) ղեկավար Ուրսուլա ֆոն դեր Լեյենը՝ ելույթ ունենալով Ստրասբուրգում Եվրախորհրդարանի (ԵԽ) լիագումար նիստում, փոխանցում է Reuters-ը։
«Բայց կան նաև իրանական արտադրության հարյուրավոր անօդաչու թռչող սարքեր, որոնք Ռուսաստանն օգտագործում է Ուկրաինայի մարտադաշտերում: Այսպիսով, առաջին անգամ մենք նաև առաջարկում ենք պատժամիջոցներ սահմանել իրանական կազմակերպությունների, այդ թվում՝ Իսլամական հեղափոխության պահապանների կորպուսի հետ կապված կազմակերպությունների դեմ»,- ասել է նա։
Ըստ ֆոն դեր Լեյենի՝ «ԵՄ-ի պարտականությունն է պատժամիջոցներ կիրառել նրանց դեմ և դիմակայել Իրանին՝ անօդաչու թռչող սարքերի մատակարարման և Ռուսաստանում արտադրական ձեռնարկությունների կառուցման համար տեխնիկական տեղեկատվության փոխանցման պատճառով»:
Մոսկվան և Թեհրանը բազմիցս հերքել են Ուկրաինայում իրանական անօդաչու թռչող սարքերի ռուսական մատակարարումների մասին վարկածները:
2022 թվականի նոյեմբերի սկզբին Իրանի ԱԳ նախարարը հայտարարել էր, որ Իսլամական Հանրապետությունը Ռուսաստանին անօդաչու թռչող սարքեր է մատակարարել, սակայն փոքր քանակությամբ և Ուկրաինայում ռազմական գործողության մեկնարկից մի քանի ամիս առաջ։
Տաթև Ֆռանգյան
