16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
«Արևմուտքը մեզ որևէ բան չի պարտադրել»․ Արմեն Գրիգորյանը՝ ԵՄ քաղաքացիական առաքելության ժամանման մասին
Քաղաքականություն
14.02.2023 | 17:10
Ազգային ժողովում տեղի ունեցած ճեպազրույցի ժամանակ Անվտանգության խորհրդի քարտուղարը անդրադարձել է Եվրոպական միության քաղաքացիական առաքելության դիտորդների սպասվող ժամանմանը։ Արմեն Գրիգորյանի խոսքով՝ ՀայաստանըԵՄ քաղաքացիական առաքելությանը հրավիրել է որոշակի անվտանգության երաշխիքներ ստեղծելու նպատակով։
«Մեզ որևէ մեկը որևէ բան չի պարտադրում, Արևմուտքը մեզ որևէ բան չի պարտադրել, այդ առաքելությունը հայկակական կողմի որոշումն է եղել, և կարող եմ ասել, որ այդ առաքելության ժամանումը նաև փոխկապակցված է մեր փորձի հետ։ 2021 թվականին գիտեք՝ մայիսին և նոյեմբերին Հայաստանի սուվերեն տարածքի նկատմամբ հարձակում է եղել, տեղի է ունեցել լայնածավալ հարձակում նաև անցած տարի սեպտեմբերին, և այդ փորձը հաշվի առնելով պարզ է դարձել, որ գոյություն ունեցող անվտանգության երաշխիքները չեն աշխատում», – ասել է Գրիգորյանը։
ԱԽ քարտուղարը նշել է, որ առկա խնդիրների մասին պարբերաբար խոսում են նաև Մոսկվայի գործընկերների հետ․« Այդ հարցերը քննարկում ենք իրենց հետ և ներկայացնում ենք հայկակակն կողմի մոտեցումները և բացատրում, թե ինչի ենք մենք այս քայլերը կատարել»։
Ինչ վերաբերում է Լեռնային Ղարաբաղի հարցում հստակեցմանը, Գրիգորյանը կարծում է, որ Ստեփանակերտի և Բաքվի միջև ինստիտուցիոնալ անվտանգության և իրավունքների երաշխավորման միջազգային մեխանիզմի շրջանակում հնարավոր քննարկումները եթե կայանան, և եթե միջազգային այդ երաշխիքները լինեն, ապա անվտանգությունը և իրավունքները կապահովվեն։
