Դատավոր Լուսինե Սեփխանյանը տեղափոխվել է Լոռի․ Աշոտ Մինասյանի, Մանվել Փարամազյանի, Մենուա Հովսեփյանի, Մելիքսեթ Պողոսյանի որդու և մի շարք այլ գործեր կվերսկսվեն

Հասարակություն

13.02.2023 | 11:50

Լուրեր

16.11.2024 | 15:55

Հնդկաստանի ԱԳ նախարարի կարծիքով՝ աշխարհը հոգնել է ռուս-ուկրաինական հակամարտությունից

16.11.2024 | 15:35

Վարչապետ Փաշինյանը շնորհավորել է Ռոբերտ Ամիրխանյանին ծննդյան 85-ամյակի կապակցությամբ

16.11.2024 | 15:19

Не виноватая я, он сам пришел. մահացել է «Ադամանդե ձեռքը» հայտնի ֆիլմի դերասանուհի Սվետլանա Սվետլիչնայան

16.11.2024 | 15:01

Սպանություն՝ բուժհաստատության բակում. ձերբակալվել է նույն հաստատության նախկին բուժառուն. ՔԿ

16.11.2024 | 14:36

ԿԲ նախագահը Silicon Mountains գագաթաժողովում խոսել է ֆինանսական ոլորտում արհեստական բանականության կիրառումից

16.11.2024 | 14:15

NYMEX. Թանկարժեք մետաղների գները նվազել են

16.11.2024 | 13:49

Վանաձորում ձին ընկել է դիտահորը

16.11.2024 | 13:33

Վրաստանի ԿԸՀ նախագահի վրա սև հեղուկ են լցրել․ ամփոփվել են խորհրդարանական ընտրությունների արդյունքները

16.11.2024 | 13:22

Վահագն Խաչատուրյանը հանդիպել է ԱՀԿ գլխավոր տնօրենի հետ

16.11.2024 | 12:58

Աղմկահարույց սկանդալ․ Կոսովոյի հավաքականը լքել է խաղադաշտը Ռումինիայի հետ խաղում

16.11.2024 | 12:34

Վահագն Խաչատուրյանը ԿԽՄԿ նախագահի հետ քննարկել է գերիներին և անհետ կորածների հարցեր

16.11.2024 | 12:12

Երևանը հեռանում է ՀԱՊԿ-ի աշխատանքային բոլոր ձևաչափերից․ ՌԴ ԱԳՆ

16.11.2024 | 11:55

Արտարժույթների փոխարժեքները՝ նոյեմբերի 16-ի դրությամբ

16.11.2024 | 11:33

Նավթի գները նվազել են

16.11.2024 | 11:07

Զիջի՛ր ճանապարհը․ րոպեն կարող է կյանք արժենալ․ ՆԳՆ իրազեկման արշավ է կազմակերպել

Բոլորը

Ազատամարտիկ, «Աշոտ Երկաթ» անունով հայտնի Աշոտ Մինասյանի, Սյունիքի նախկին մարզպետ Մելիքսեթ Պողոսյանի որդու՝ Կարեն Պողոսյանի, Գորիսի փոխհամայնքապետ Մենուա Հովսեփյանի, Քաջարանի համայնքապետ Մանվել Փարամազյանի և մի շարք այլ գործեր վերաբաշխվել են ու մակագրվել Սյունիքի դատարանի նորանշանակ դատավոր Մուշեղ Արամյանին։ Այս մասին տեղեկանում ենք «Դատալեքս» դատական տեղեկատվական համակարգից։ Պատճառն այն է, որ այս գործերը քննող դատավոր Լուսինե Սեփխանյանի գործուղման ժամկետը Սյունիք ավարտվել է, և վերջինս տեղափոխվել է Լոռու մարզի ընդհանուր իրավասության դատարան։

Նշենք, որ Լուսինե Սեփխանյանը 2022 թվականի հունվարի 5-ին նշանակվել է Սյունիքի մարզի ընդհանուր իրավասության դատարանի դատավոր, և մինչև նոյեմբեր պաշտոնավարել է այնտեղ։ 2022-ի նոյեմբերին Սեփխանյանը ԲԴԽ-ի որոշմամբ նշանակվել է Լոռու մարզի ընդհանուր իրավասության դատարանի դատավոր, սակայն ԲԴԽ-ն, դատավորի համաձայնությամբ, մինչև 2023 թվականի հունվարի 25-ը դեռևս Լոռի չտեղափոխված դատավորին գործուղել է Սյունիքի մարզ, որտեղ դատավորը շարունակել է քննել իր վարույթում գտնվող գործերը։ Վերը նշված գործերի, ինչպես նաև բազմաթիվ այլ գործերի քննությունը դատավորը չի ավարտել, ուստ՝ դրանց քննությունը կվերսկսվի։

Ազատամարտիկ Աշոտ Մինասյանը մեղադրվում է ապօրինի զենք կրելու մեջ։ Նրա գործն արդեն երրորդ դատավորին է մակագրվում։ Այս ի սկզբանե մակագրվել էր դատավոր Բորիս Բախշիյանին, որի նկատմամբ քրեական հետապնդում հարուցվելուց հետո գործը մակագրվեց Լուսինե Սեփխանյանին, իսկ այժմ էլ, փաստորեն, Մուշեղ Արամյանին։

Բորիս Բախշիյանին էր մակագրվել նաև խարդախության, ընտրողներին կաշառք տալու գործերով մեղադրյալ Մանվել Փարամազյանի գործը, որը նույնպես Բախշիյանի նկատմամբ քրեական հետապնդում հարուցելուց հետո վերամակագրվել էր Սեփխանյանին, իսկ այժմ՝ Մուշեղ Արամյանին։
Մելիքսեթ Պողոսյանի որդին մեղադրվում է ապօրինի կերպով զենք ձեռք բերելու, ինչպես նաև Սյունիքի նախկին մարզպետ Սուրիկ Խաչատրյանի որդու ու ևս երկու անձի նկատմամբ սպանության փորձ կատարելու մեջ, իսկ Գորիսի փոխհամայնքաետ Մենուա Հովսեփյանը մեղադրվում է այն բանում, որ նա 2021 թվականի ապրիլի 21-ին Նիկոլ Փաշինյանի՝ Սյունիքի մարզ կատարած այցի ընթացքում կազմակերպել և ղեկավարել է մի խումբ անձանց կողմից խուլիգանության կատարումը, որը զուգորդվել է առանձնապես խոշոր չափերով ուրիշի գույքի դիտավորությամբ վնասելով:

Արաքս Մամուլյան