28.04.2026 | 12:34
NYMEX. Թանկարժեք մետաղների գները նվազել են
Մոսկվան բողոքել է ՀՀ-ում Եմ դիտորդներից․ Միրզոյանը զրուցել է Լավրովի, Պապիկյանը՝ Շոյգուի հետ․ Լուրեր
10.02.2023 | 19:50
- Ռուսաստանի ԱԳՆ խոսնակ Մարիա Զախարովան այսօր ասել է, որ եթե ՀՀ վարչապետ Նիկոլ Փաշինյանի հայտարարությունները ԵՄ-ին տարածաշրջան ներքաշելու փորձեր են, ապա դրանք հաջողված չեն։ Զախարովան նշել է, թե ռուս խաղաղապահները խաղաղություն են ապահովում Լեռնային Ղարաբաղում, սահմանապահներն աշխատում են նաև Հայաստանում, այդ թվում՝ հայ-ադրբեջանական սահմանային շրջաններում։ Ըստ Զախարովայի՝ երբեք այս առումով չեն լսել Բաքվի մտավախությունները, և միևնույն ժամանակ, գիտեն Ադրբեջանի քննադատական վերաբերմունքը ԵՄ առաքելության տեղակայման վերաբերյալ։
- Բաքվում Ռուսաստանի դեսպան ՄԻխայիլ Բոչարնիկովն էլ հայտարարել է, որ Հայաստանում ԵՄ դիտորդների տեղակայման հարցում ՌԴ-ի և Ադրբեջանի գնահատականները հիմնականում համընկնում են։ Նրա խոսքով՝ իրենց մտահոգությունն այն է, որ Հայաստանում ԵՄ առաքելությունը կարող է վերաճել Արցախում ներկայության։
- ԱԳ նախարար Արարատ Միրզոյանը հեռախոսազրույց է ունեցել ՌԴ ԱԳ նախարար Սերգեյ Լավրովի հետ։ Անդրադառնալով Լեռնային Ղարաբաղում օրեցօր խորացող հումանիտար ճգնաժամին՝ Արարատ Միրզոյանն ընդգծել է Ադրբեջանի կողմից Լաչինի միջանցքի շուտափույթ ապաշրջափակման անհրաժեշտությունը:
- ՀՀ պաշտպանության նախարար Սուրեն Պապիկյանն էլ հեռախոսազրույց է ունեցել ՌԴ պաշտպանության նախարար Սերգեյ Շոյգուի հետ։ Հեռախոսազրույցի ընթացքում քննարկվել են տարածաշրջանային անվտանգության և այլ հարցեր։
Այս ժամի լուրերը՝ տեսանյութում։
