28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
ԵՄ դիտորդները չեն կարող հրահրել անկայունություն․ Արման Եղոյան. ՏԵՍԱՆՅՈՒԹ
Քաղաքականություն
10.02.2023 | 17:02
Եվրամիության դիտորդներն անկայություն չեն կարող հրահրել։ Factor TV-ի հետ զրույցում անդրադառնալով նրանց տեղակայմանը՝ հայտարարեց խորհրդարանի իշխանական պատգամավոր Արման Եղոյանը։
«ԵՄ դիտորդները գալիս են դիտարկելու հայ-ադրբեջանական սահմանը՝ Հայաստանի տարածքից։ Եթե որևէ մեկը մտադրություն չունի ադրբեջանական տարածքից հայկական տարածքի վրա հարձակվելու, ինքը որևէ մտահոգություն պետք է չունենա այս առաքելության գալով»,- նշեց պատգամավորը։
ԵՄ դիտորդների տեղակայման որոշումից հետո սուր արձագանքներ են հնչում ոչ միայն Ադրբեջանից, այլ նաև Ռուսաստանից։ Նախօրեին այդ առնչությամբ մեղադրանքներ էր հնչեցրել նաև Ադրբեջանում Ռուսաստանի դեսպանը։ Նա ԵՄ առաքելության՝ քաղաքացիական լինելու հանգամանքը կասկածի տակ է դրել՝ ասելով, թե դրա կազմում լինելու են ֆրանսիացի ժանդարմներ։
Եղոյանը թեև չպարզաբանեց, թե որոնք են լինելու ժանդարմների գործառույթները և ինչով են տարբերվելու դիտորդներից, այդուհանդերձ, շեշտեց՝ խոսքը բացառապես քաղաքացիական առաքելության մասին է։
Մանրամասները՝ տեսանյութում։
Շողիկ Գալստյան
