09.10.2026 | 18:01
Կասպից ծովի ծանծաղումը կհանգեցնի աղետալի հետևանքների, մակերեսը կրճատվել է ավելի քան 20 հազար քառակուսի կմ-ով․ Ալիև
Խաղաղության իրավունքն այս տարի առաջնահերթություն է լինելու ՄԱԿ-ի աշխատանքում․ Գուտերեշ
Քաղաքականություն
07.02.2023 | 22:54
ՄԱԿ-ի գլխավոր քարտուղար Անտոնիո Գուտերեշը հայտարարել է, որ խաղաղության իրավունքն այս տարի առաջնահերթություն է լինելու կազմակերպության աշխատանքում։ Այս մասին ասված է ՄԱԿ-ի պաշտոնական կայքում հրապարակված հաղորդագրությունում։
Նա կոչ է արել հարգել Մարդու իրավունքների համաշխարհային հռչակագիրն ու հետևել ՄԱԿ-ի խարտիային, որը երաշխավորում է խաղաղության իրավունքը, ինչպես նաև հիշեցրել է Սևծովյան հացահատիկային գործարքը, որն ապացուցում է, որ ՄԱԿ-ը կարող է դառնալ արդյունավետ դիվանագիտության համար հարթակ։
Գուտերեշը նաև կարծիք է հայտնել, որ Ուկրաինայում խաղաղության հասնելու հեռանկարները թուլանում են։
«Ռուսաստանի ներխուժումն Ուկրաինա աներևակայելի տառապանք է պատճառում ուկրաինացի ժողովրդին և հանգեցնում է համաշխարհային լուրջ հետևանքների։ Խաղաղության հույսը մարում է։ Հետագա էսկալացիայի և արյունահեղության հավանականությունը շարունակում է աճել։ Աշխարհը կուրորեն չի շարժվում դեպի ավելի մեծ պատերազմ։ Վախենամ, որ նա դա անում է լայն բացած աչքերով»,- ասել է ՄԱԿ-ի գլխավոր քարտուղարը 2023 թվականի համար կազմակերպության ծրագրերին նվիրված հանդիպմանը։
Տաթև Ֆռանգյան
