14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Երևանի դպրոցների օպտիմալացումը միտված է կրթության որակի բարձրացմանը. մարզերում նման ծրագիր չկա
Հասարակություն
03.07.2017 | 16:06
ՀՀ կրթության և գիտության նախարարությունը քայլեր է ձեռնարկում Երևանի դպրոցներում կրթության որակը բարձրացնելու ուղղությամբ: Ազգային ժողովում լրագրողների հետ զրույցում ՀՀ կրթության և գիտության նախարար Լևոն Մկրտչյանը, անդրադառնալով քաղաքի դպրոցների օպտիմալացման մասին քննարկումներին, նշեց, որ Երևանի հանրակրթական ուսումնական հաստատությունների շուրջ 30 տոկոսը ներկայում գերբեռնված է, իսկ շուրջ 30-33 տոկոսը՝ թերբեռնված: «Խոսքն ընդհանրապես հանրակրթության համակարգն ավելի լավ վիճակի բերելու մասին է: Քաղաքային դպրոցները լիարժեք կսկսեն աշխատել, եթե ունենան մոտավորապես 300 աշակերտ: Երևանի դպրոցների շուրջ 30 տոկոսը գերբեռնված է, իսկ 30-33 տոկոսը՝ թերբեռնված: Դրա համար մենք խոսում ենք քաղաքային դպրոցների մասին»,- «Արմենպրես»-ի փոխանցմամբ՝ ասել է նախարարը:
Լևոն Մկրտչյանը հստակեցրեց, որ մարզերի դպրոցների վերաբերյալ նախարարությունը դեռ ծրագիր չունի: Նրա խոսքով՝ մարզերում խնդիրները մի փոքր այլ են, իսկ դրանց լուծում տալու համար խորքային քննարկումներ ու ուսումնասիրություններ են անհրաժեշտ:
«Մենք խոսում ենք քաղաքային դպրոցներում կրթության որակը բարձրացնելու մասին, որովհետև այդտեղ ռեսուրսը տեսնում ենք: Իսկ մարզերում լուրջ խնդիրներ ունենք: 400 գյուղական դպրոց ունենք, որոնք 100-ից քիչ աշակերտ ունեն: Դեռ այս խնդիրը լուծելու ծրագիր չունենք մշակած, քննարկումների փուլում ենք: Գյուղական վայրերում ավտոմատ նման դպրոցները փակել կամ միավորելը ճիշտ չի լինի»,- ասաց Մկրտչյանը:
