07.12.2025 | 13:04
Պյոտր Յանը հասել է ռևանշի ու վերադարձրել UFC-ի չեմպիոնի տիտղոսը․ ՏԵՍԱՆՅՈՒԹ
Սեբաստիայի փողոցի տներից մեկում բռնկված հրդեհը մարվել է․ տուժածը հոսպիտալացվել է
05.02.2023 | 19:33
Փետրվարի 5-ին՝ ժամը 15։48-ին, Ճգնաժամային կառավարման ազգային կենտրոն տեղեկություն է ստացվել, որ Երևանի Սեբաստիայի փողոցի տներից մեկում հրդեհ է բռնկվել։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային կառավարման ազգային կենտրոնի օպերատիվ խմբերը։
Պարզվել է, որ հերդեհը բռնկվել է նշված հասցեում գտնվող տներից մեկի երկրորդ հարկում։
Հրդեհը մեկուսացվել է ժամը 16:09-ին, մարվել՝ 16։23-ին։ Այրվել են նախասրահը և ննջասենյակը (մոտ 30 քմ)՝ գույքով։ Հրդեհի հետևանքով տուժած քաղաքացի Մ․ Գ․-ն (ծնված 1964 թ․) հոսպիտալացվել է «Արմենիա» ՀԲԿ։
