15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Լաչինի միջանցք հասկացությունը վերացվել է Պրահայում․ Թևանյան․ ՏԵՍԱՆՅՈՒԹ
Քաղաքականություն
03.02.2023 | 12:10
ԱԺ «Հայաստան» խմբակցության նախաձեռնությամբ մեկնարկել են խորհրդարանական լսումներ` Ադրբեջանի կողմից Լաչինի միջանցքը փակելու վերաբերյալ խմբակցության ներկայացրած ԱԺ հայտարարության նախագծի առնչությամբ։
Մենք չենք կարող այլ պետություններին, այդ թվում մեր դաշնակիցներից պահանջել լինել ավելի հայամետ, քան ՀՀ իշխանությունն է։ Այս մասին հայտարարեց «Հայաստան» խմբակցության պատգամավոր Անդրանիկ Թևանյանը` անդրադառնալով ՌԴ ԱԳ նախարար Սերգեյ Լավրովի երեկ կատարած հայտարարությանը, ըստ որի` Հայաստանը բռնազավթել էր Ադրբեջանի շրջակա 7 շրջանները, և Ադրբեջանը վերադարձրել է իրեն պատկանող հողերը։
«Եթե ՀՀ իշխանությունը Պրահայում ընդունել է Ղարաբաղը որպես Ադրբեջանի մաս, ապա մնացած բոլորի հայտարարությունները տեղավորվում են դրա շրջանակներում։ Երբ Լավրովը հայտարարում է, որ Ալմաթայի հռչակագրով, որով ՀՀ—ն ու Ադրբեջանը ճանաչել էին միմյանց սահմանները, իսկ Ադրբեջանի կազմում Ղարաբաղն էլ է ներառվում, թող ՀՀ իշխանությունները պատասխանեն Լավրովին և ասեն` հռչակագրի վերապահումները պետք է հաշվի առնել»,- նշեց Թևանյանը։
Նա նաև ընդգծեց, որ Պրահայում կայացած հանդիպումից հետո ֆունդամենտալ կերպով փոխվել է ԼՂ հետ կապված տրամաբանությունը․ «Լաչինի միջանցք հասկացողությունը վերացվել է, ինչն էլ ֆիքսել է Լավրովը։ Եվ եթե ՀՀ իշխանությունները համաձայն չեն դրան, ապա պետք է նկատել, որ դրան հակադրվող որևէ արձագանք չի եղել»։
Մանրամասները՝ տեսանյութում։
