14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Երուսաղեմում հայերի վրա հարձակումների առնչությամբ Հայոց պատրիարքարան է այցելել տեղի ոստիկանության ներկայացուցիչը
Քաղաքականություն
31.01.2023 | 15:07
Երուսաղեմում հայերի ու Հայոց պատրիարքարանի վրա հրեա ծայրահեղականների կողմից վերջին օրերի հարձակումներից հետո քաղաքի ոստիկանության քրիտոնյաների բաժնի պատասխանատու սպան այցելել է պատրիարքարան։
«Հունվարի 30-ին, Երուսաղեմի հայոց պատրիարքարան այցելեց Հին Քաղաքի ոստիկանության Քրիստոնյաների բաժնի պատասխանատու սպա Ալա Հարբը, որին ընկերակցում էր Շուբաշ Զահեռը և հանդիպում ունեցավ Երուսաղեմի հայ պատրիարք Ամեն. Տ. Նուրհան արք. Մանուկյանի հետ: Հանդիպման ընթացքում անդրադարձ եղավ վերջին օրերին պատահած դեպքերին և դրանց կանխարգելման համար ոստիկանության ձեռնարկած քայլերին»,- ֆեյսբուքյան իր էջում հայտնում է պատրիարքարանի ներկայացուցիչ Հայր Աղան Գոգչեանը։ Հարձակումների կապակցությամբ ավելի վաղ մտահոգություն էր հայտնել նաև ՀՀ ԱԳՆ-ն։
Հիշեցնենք, որ օրերս դիմակավորված մի քանի ծայրահեղականներ Երուսաղեմում Հայոց պատրիարքարանի մոտ սադրել էին հայերին ու փախել ոստիկանության ուղղությամբ՝ ներկայացնելով, թե,իբր, հայերն են հարձակում իրականացրել։ Ոստիկաններն էլ փակել էին հայ երիտասարդների ճանապարհն ու ծեծել մի քանիսին, մեկին էլ ձերբակալել։
Էմմա Չոբանյան
