28.04.2026 | 23:24
Երևանում երթևեկության փոփոխություն կկատարվի
Արցախում գազ կա, դասերը վերսկսվել են․ ՀՀ ԱԳՆ արձագանքը՝ Իսրայելում հայերի վրա հարձակումներին․ Լուրեր
30.01.2023 | 13:54
- Արցախում այսօրվանից վերսկսվում է բոլոր հանրակրթական դպրոցների նախադպրոցական խմբերի, 1-12-րդ դասարանների, արտադպրոցական` երաժշտական և արվեստի դպրոցների, մարզադպրոցների ու մանկապատանեկան ստեղծագործական կենտրոնների և նախնական (արհեստագործական) ու միջին մասնագիտական ուսումնական հաստատությունների դասագործընթացը, պայմանով` եթե գազամատակարարումը նորից չխափանվի Ադրբեջանի կողմից։
- Հունվարի 29-ին նախնական տվյալներով զենքի օգտագործման կանոնների խախտման հետևանքով, հրազենային վիրավորում է ստացել ՊՆ N զորամասի զինծառայող Ա. Ա.-ն: ՊՆ-ից հայտնել են, որ զինծառայողի վիճակը գնահատվում է ծայրահեղ ծանր: ՔԿ-ից էլ հայտնել են, որ զինծառայողը հրազենային վնասվածք ստացել է գլխի հատվածում, ծառայակցի կրակոցից։ Դեպքի առթիվ նախաձեռնվել է քրեական վարույթ, մեկ անձ ձերբակալվել է։
- Երուսաղեմում փորձել են բարձրանալ Հայոց պատրիարքարանի տանիք և հանել խաչակիր և ՀՀ դրոշները, ինչպես նաև երկու հարձակում են կատարել հայերի վրա։ Վերջին օրերին սա հայերի և հայկական կառույցների վրա հերթական հարձակումն է իսրայելցի ծայրահեղականների կողմից։ ՀՀ ԱԳՆ-ն մտահոգություն է հայտնել Երուսաղեմում վերջին օրերին հայերի ու Հայոց պատրիարքարանի վրա իրականացված հարձակումների վերաբերյալ։
Այս ժամի լուրերը՝ տեսանյութում։
