28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Վե՛րջ տվեք այս խայտառակ պաշարմանը հենց հիմա․ Բրիտանիայի խորհրդարանում քննարկել են Լաչինի միջանցքի հարցը
Քաղաքականություն
25.01.2023 | 15:52
Մեծ Բրիտանայի խորհրդարանում քննարկել են Լաչինի միջանցքի փակման հարցը։ Պատգամավոր Ջեսիկա Մորդենը ելույթ է ունեցել Լաչինի միջանցքի փակման և Լեռնային Ղարաբաղում տիրող իրավիճակի մասին բանավեճում։ Նա մասնակիցներին ներկայացրել է Լեռնային Ղարաբաղում տիրող հումանիտար վիճակն ու միջազգային հանրության միասնական պատասխանի կոչ է արել։
«Կարևոր է, որ Լեռնային Ղարաբաղի հայ քրիստոնյա բնակչության նկատմամբ հալածանքներն ու ահաբեկչությունները արժանանան միասնական միջազգային դատապարտման։ Բայց նաև կարևոր է, որ Միացյալ Թագավորության կառավարությունն այս դեպքում օգտագործի իր եզակի լծակները՝ որպես Ադրբեջանի սերտ դիվանագիտական և առևտրային գործընկեր: Բաքվին ուղղված մեր ուղերձը պետք է հստակ լինի. վե՛րջ տվեք այս խայտառակ, չարդարացված պաշարմանը հենց հիմա և վե՛րջ տվեք բռնաճնշումների ավելի լայն օրինաչափությանը, որը շատերը համարում են Լեռնային Ղարաբաղի հայ քրիստոնյաներին իրենց պատմական հայրենիքից դուրս մղելու փորձ»,- հայտարարել է բրիտանացի պատգամավորը։
Տաթև Ֆռանգյան
