25.11.2024 | 14:15
Երևանում 3 օր տեղումներ են սպասվում․ ջերմաստիճանը կնվազի 6-10 աստիճանով
Շվեդիայի և Ֆինլանդիայի՝ ՆԱՏՕ-ին անդամակցության շուրջ բանակցությունները Թուրքիայի խնդրանքով դադարեցվել են
Քաղաքականություն
24.01.2023 | 21:11
Շվեդիայի և Ֆինլանդիայի՝ ՆԱՏՕ-ին անդամակցության շուրջ եռակողմ բանակցությունները Թուրքիայի խնդրանքով անորոշ ժամանակով դադարեցվել են։ Այս մասին հայտնել է թուրքական Sabah թերթը՝ վկայակոչելով իր աղբյուրներին, փոխանցում է ՏԱՍՍ գործակալությունը։
Միևնույն ժամանակ, Ֆինլանդիայի արտգործնախարար Պեկկա Հաավիստոն ավելի վաղ հայտնել էր իր ենթադրությունն առ այն, որ Թուրքիայի հետ Շվեդիայի և Ֆինլանդիայի բանակցությունները Հյուսիսատլանտյան դաշինքին միանալու հարցով մի քանի շաբաթով կդադարեցվեն։
Ավելի վաղ Անկարայում ՏԱՍՍ-ի դիվանագիտական աղբյուրը նույնպես հայտնել էր, որ Անկարայի, Ստոկհոլմի և Հելսինկիի միջև ՆԱՏՕ-ին Շվեդիայի և Ֆինլանդիայի անդամակցության շուրջ բանակցությունները, որոնք նախատեսված էին փետրվարին, հետաձգվել են։
