16.12.2025 | 13:20
Թրամփը դատի է տվել BBC-ին` պահանջելով 5 մլրդ դոլար
Ինչպես ճանապարհ սարքել․ խորհուրդներ՝ Գագիկ Մելիքյանից
Տնտեսություն
13.06.2018 | 18:16
Ազգային ժողովի «Հանրապետական» խմբակցության պատգամավոր Գագիկ Մելիքյանը ՀՀ տրանսպորտի, կապի և տեղեկատվական տեխնոլոգիաների նախարարից հետաքրքրվեց՝ ե՞րբ է վերակագնվելու Նոյեմբերյան-Իջևան-Դիլիջան ճանապարհահատվածը, քանի որ այն նման է հրետակոծված ռազմական ճանապարհի։
«Ե՞րբ մեր վարորդները հնարավորություն կունենան Իջևան-Նոյեմբերյան ճանապարհահատվածով երթևեկելու՝ գոնե միջին որակի ճանապարհով, և ի՞նչ ժամանակահատվածում կավարտվի Բագրատաշեն-Վանաձոր-Ալավերդի ճանապարհահատվածի վերանորոգումը»,- հարցրեց պատգամավորը։
Տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը նշեց, որ Նոյեմբերյան-Իջևան-Դիլիջան ճանապարհահատվածում շինարարական աշխատանքերն արդեն սկսվել են և ասֆալտապատման համար վաղվանից տեխնիկան կաշխատի այդ հատվածում։
Ինչ վերաբերում է Վանաձոր-Ալավերդի ճանապարհահատվածին, ապա նախարարը նկատեց, որ ներառվել է աշխատանքների երկրորդ փուլ և այս տարի կսկսվեն։
Նախարարի պատասխանից հետո պատգամավորը մի դիտարկում կատարեց՝ կապված ճանապարհաշինական աշխատանքների որակի հետ․ «Ասեք, որ չի կարելի փոսերի մեջ հող լցնել։ Հողով ճանապարհ չեն սարքում, դա ընդամենը մինչև հաջորդ անձրև է տևում»։
