07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Չեմ քննադատելու ռուս խաղաղապահներին․ Ռուբեն Վարդանյան․ ՏԵՍԱՆՅՈՒԹ
Քաղաքականություն
12.01.2023 | 15:36
«Ռուս խաղաղապահները շատ սահմանափակված մանդատ ունեն և քիչ թվով խաղաղապահներ են այստեղ տեղակայված։ Մենք պետք է ամեն ինչ անենք, որ ռուս խաղաղապահների թիվն այստեղ ավելանա և նրանց մանդատի լիազորությունները լիեն ավելի շատ, ինչպես նաև ավելի երկարաժամկետ առաքելություն իրականացնեն, քանի որ անվտանգության հարցն ամենակարևորներից է արցախցիների համար» ,-այս մասին «Արցախ․ շրջափակման մեկ ամիս» խորագրով Ստեփանակերտ-Երևան տեսակամրջի ընթացքում նշեց Արցախի պետնախարար Ռուբեն Վարդանյանը։
«Վե՛րջ տվեք ռուսներին թիրախավորել այս իրավիճակում, դրանով օգնում եք ադրբեջանցիներին, վերջացրե՛ք այդ ամեն ինչը։ Եթե ռուս խաղաղապահներն այստեղ չլինեին, մենք չէինք լինի։
Մենք ամեն ինչ անելու ենք, որ ռուս խաղաղապահն իրեն այստեղ լավ, զգա, զգա, որ ինքն այստեղ մեծ դեր է խաղում, և որ մենք՝ հայերով հասկանում ենք իրավիճակը ու ոչ թե իրենց դեմ ենք, այլ կողմ ենք, քանի որ իրենք մեր կողքին են կանգնած»։
Անդրադառնալով հարցին, թե գոհ է արդյոք ռուս խաղաղապահների կատարած աշխատանքից, Վարդանյանը նշեց․ «Ուզում եք, որ քննադատե՞մ ռուս խաղաղապահներին․ ես դա չեմ անելու, որովհետև ես հասկանում եմ, թե ինչու են իրենք այստեղ․ էլի եմ ասում՝ եթե նրանք այստեղ չլինեին, մենք չէինք լինի»։
Մանրամասները՝ տեսանյութում։
