25.06.2026 | 20:31
Քարոզարշավի «գինը»․ ինչքան են ծախսել քաղաքական ուժերն ու ինչ «նվերներ» են ստացել. ՏԵՍԱՆՅՈՒԹ
Կյանքից հեռացել է Հունաստանի վերջին թագավոր Կոնստանտին II-ը
Քաղաքականություն
11.01.2023 | 19:53
Հունական վերջին թագավոր Կոնստանտին II-ը, որը գահակալել է 1964-1974 թվականներին, մահացել է 82 տարեկանում։ Այս մասին գրում է Proto Tema-ն, փոխանցում է ՌԲԿ-ն։
Newsbomb-ն էլ նշում է, որ նախկին թագավորը վերջին շաբաթվա ընթացքում գտնվում էր հիվանդանոցում ծայրահեղ ծանր վիճակում: Նրա կողքին են եղել կինը՝ Աննա-Մարիան, երեխաները և այլ հարազատներ։ Օրեր առաջ Կոնստանտինը կաթված էր տարել։ Ըստ Proto Tema-ի՝ մահվան պատճառը եղել է բազմաթիվ օրգանների անբավարարությունը։
Գլյուքսբուրգների դինաստիայի ներկայացուցիչ Կոնստանտինը ծնվել է հունիսի 2-ին։ Նա Պողոս I թագավորի և Հանովերի թագուհի Ֆրեդերիկայի որդին էր։
1965-ին երկրում տեղի է ունեցել կառավարական ճգնաժամ՝ «Ապոստազիա», իսկ 1967 թվականին ռազմական հեղաշրջման արդյունքում իշխանության եկան «սև գնդապետները»: Նրանց դեմ ապստամբություն կազմակերպելու փորձից հետո թագավորը հեռացավ Հունաստանից։ 1973 թվականին «սև գնդապետները» վերացրեցին միապետությունը, իսկ երբ 1 տարի անց ժողովրդավարությունը վերականգնվեց, Հունաստանում հանրաքվե անցկացվեց միապետության վերացման հարցով, և հույների գրեթե 70%-ը կողմ արտահայտվեց դրան՝ վերջ դնելով 1863 թվականին Կոնստանտինի մեծ պապի՝ Գեորգ I-ի կողմից հիմնադրված արքայատոհմի գահակալությանը:
Կոնստանտին II-ը չճանաչեց հանրաքվեի արդյունքները և չհրաժարվեց գահից։ Դրանից հետո թագավորը երկար տարիներ ապրել է Լոնդոնում։ 1994 թվականին Հունաստանի իշխանությունները Կոնստանտինին զրկել են երկրի քաղաքացիությունից և նրա սեփականությունը հանդիսացող անշարժ գույքից։
Տաթև Ֆռանգյան
