19.12.2025 | 14:45
ՄԱԿ-ի հետ համագործակցության զարգացման փաստաթուղթ է ստորագրվել
Պայմանավորվել են՝ ընտրությունները կանցկացվեն ապրիլ-մայիսին. «Հրապարակ»
13.06.2018 | 10:26
«Հրապարակ» թերթը գրում է.
«Ընտրական օրենսգրքի բարեփոխումների աշխատանքային խումբը ձևավորման փուլում է և հաջորդ շաբաթվա ընթացքում, ամենաուշը մինչև ամսվա վերջ կամբողջանա։ Որոշվել է խորհրդարանական 4 խմբակցություններից 4-ական ներկայացուցիչ ընդգրկել՝ խմբակցության ղեկավարները և 3-ական ներկայացուցիչ։ ՀՀԿ-ն արդեն որոշել է իր ներկայացուցիչներին՝ արդարադատության նախկին նախարար Դավիթ Հարությունյան, ԱԺ փոխնախագահ Արփինե Հովհաննիսյան և պաշտպանության նախկին նախարար Վիգեն Սարգսյան:
«Ծառուկյան դաշինքից» դեռևս 2 անուն է հայտնի՝ Սերգեյ Բագրատյան, Գևորգ Պետրոսյան, «Ելք»-ից՝ Էդմոն Մարուքյան, Լենա Նազարյան, ՀՅԴ-ից դեռ չեն որոշել։ Խմբի աշխատանքները համակարգում է «Իրազեկ քաղաքացիների միավորում» ՀԿ ղեկավար Դանիել Իոաննիսյանը, ով նախնական հանդիպումներ է ունեցել օրենսդիրի ներկայացուցիչների հետ և տեղեկացրել, որ առաջարկ կա՝ իջեցնել անցողիկ շեմը․ կուսակցությունների դեպքում 5-ից դարձնել 3, իսկ դաշինքների դեպքում՝ 7-ից` 5 տոկոս։ Առաջարկը, սակայն, միանշանակ չի ընկալվել՝ այն հակադարձմամբ, որ դրանով նպաստավոր պայմաններ կստեղծվեն մարդ-կուսակցությունների համար։
Ի դեպ, տեղեկություն կա, որ սեպտեմբերից մեկնարկելիք հանդիպում-քննարկումները կտևեն մինչև հաջորդ տարվա փետրվար։ Պայմանավորվել են՝ այդ ժամանակ հայտարարել ԸՕ-ի աշխատանքների ավարտի մասին, իսկ ընտրություններն անցկացնել ապրիլ-մայիսին, սակայն ՀՀԿ խմբակցության ղեկավար Վահրամ Բաղդասարյանը հերքեց պայմանավորվածությունների մասին տեղեկությունը:
Առավել մանրամասն՝ թերթի այսօրվա համարում:
