30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Ալիևի հայտարարությունը Լաչինի միջանցքի շրջափակման մասին պետական մակարդակով իրականացվող էթնիկ զտումների խոստովանություն էր․ Էդմոն Մարուքյան
Քաղաքականություն
11.01.2023 | 13:34
Հատուկ հանձնարարություններով դեսպան Էդմոն Մարուքյանն անդրադարձել է Ադրբեջանի նախագահ Իլհամ Ալիևի՝ նախօրեին Լաչինի միջանցքի շրջափակման վերաբերյալ հայտարարություններին։
«Ալիևի երեկվա հայտարարությունը Լաչինի միջանցքի շրջափակման վերաբերյալ պետական մակարդակով իրականացվող էթնիկ զտումների մաքուր խոստովանություն էր։ Նա ասաց, որ ճանապարհը բաց է նրանց համար, որոնք չեն ցանկանում Ադրբեջանի քաղաքացիություն։ Նրանք կարող են լքել մեքենաներով կամ ռուս խաղաղապահների ավտոբուսներով»,-թվիթերյան իր էջում գրել է Մարուքյանը։
Հիշեցնենք, որ նախօրեին Ալիևը խոստովանել էր, որ իշխանություններն են փակել Լաչինի միջանցքը՝ Արցախը հայաթափելու նպատակով։ Նա նշել էր, որ միջանցքը փակ կմնա այնքան ժամանակ, մինչև Ադրբեջանի պահանջները չկատարվեն։
«Եթե նրանցից ոմանք չեն ցանկանում դառնալ Ադրբեջանի քաղաքացի, Լաչինի ճանապարհը բաց է, նրանք կարող են ինքնուրույն հեռանալ, ոչ ոք նրանց չի խանգարի, կամ կարող են հեռանալ խաղաղապահների բեռնատարների օգնությամբ, ավտոբուսով»,- ասել էր Իլհամ Ալիևը։
Հավելենք, որ արդեն մեկ ամիս է՝ Ադրբեջանի իշխանությունները փակ են պահում Լաչինի միջանցքը՝ խորացնելով Արցախում հումանիտար ճգնաժամը։
Էմմա Չոբանյան
