30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Արգելափակումից ի վեր միջանցքով երթևեկել են բացառապես ռուս խաղաղապահները և ԿԽՄԿ ներկայացուցիչները․ Արցախի դատախազության պարզաբանումը․ ՏԵՍԱՆՅՈՒԹ
Քաղաքականություն
10.01.2023 | 18:40
Ադրբեջանի տեղեկատվա-քարոզչական շահերը սպասարկող լրատվամիջոցները հոդվածներ են հրապարակել, թե Ստեփանակերտ-Գորիս ավտոճանապարհի արգելափակման ընթացքում երկու ուղղություններով իրականացվել է 370 տարբեր տեսակի տրանսպորտային միջոցների տեղաշարժ: Արձագանքել է ԱՀ դատախազությունը եւ նույն հոդվածը վկայակոչելով հիշեցրել, որ հիշյալ 370 մեքենաներից 330-ը՝ ռուս խաղաղապահների մեքենաներն են եղել, 31-ը՝ Կարմիր խաչի միջազգային կոմիտեի եւ 3-ը՝ շտապ օգնության 3 մեքենաները:
Եթե այդ վիճակագրությունը հրապարակելով Բաքուն նպատակ ուներ ցույց տալ, թե Արցախը շրջափակված չէ, ապա ստացվել է հակառակը: «Մինչ Ստեփանակերտ-Գորիս ավտոճանապարհն արգելափակելը, 2022 թ. նոյեմբեր ամսվա ցուցանիշների համաձայն, Հայաստանից Արցախ էր մատակարարվել օրական 380-400 տոննա սննդամթերք և հանրային կարիքների համար նախատեսված այլ ապրանքներ (27 օրում՝ 10.260-10.800 տոննա), միջանցքով մեկ ուղղությամբ՝ Հայաստանից Արցախ էր մեկնել օրական միջինը 454 մեքենա, 27 օրում՝ 12.258, ավելի քան 1.200 մարդ, 27 օրում՝ 32.400:
Ադրբեջանական լրատվամիջոցները վերոհիշյալ հրապարակմամբ հաստատել են նաև այն, որ Արցախի Հանրապետության բնակիչները զրկված են միջանցքով տեղաշարժվելու և Հայաստանի Հանրապետության հետ կապի հնարավորությունից, միջանցքում երթևեկել են բացառապես ռուս խաղաղապահները և ԿԽՄԿ ներկայացուցիչները, եզրափակել է Դատախազությունը:
Մանրամասները՝ տեսանյութում։
