L’Equipe-ն առանձնացրել է երեք ֆուտբոլիստի, ովքեր կարող են դառնալ Ֆրանսիայի հավաքականի ավագը դարպասապահ Ուգո Լյորիսի՝ հավաքականում կարիերան ավարտելու որոշումից հետո. գրում է armsport-ը։
Երկուշաբթի օրը Ֆրանսիայի հավաքականի 36-ամյա դարպասապահն ու ավագը հայտարարեց միջազգային կարիերան ավարտելու մասին։
Նա ազգային հավաքականի կազմում անցկացրել է 145 հանդիպում, որից 121-ը՝ ավագի կարգավիճակում։
Ավագի թևկապի ամենահավանական «ժառանգորդներն» են պաշտպան Ռաֆայել Վարանը, կիսապաշտպան Անտուան Գրիզմանը և հարձակվող Կիլիան Մբապեն:
