09.10.2026 | 14:44
Ռոնալդուի մայր. «Կրիշտիանուին չեն գնահատում այնքան, որքան պետք է»
ՆԱՏՕ-ին Շվեդիայի անդամության դիմաց Թուրքիան չափազանց շատ բան է պահանջում․ Շվեդիայի վարչապետ
Քաղաքականություն
09.01.2023 | 12:12
Շվեդիայում համոզված են, որ Թուրքիան կհաստատի ՆԱՏՕ-ին միանալու իրենց դիմումը, սակայն իրենք մտադիր չեն կատարել բոլոր այն պայմանները, որոնք Անկարան առաջադրել է աջակցության համար, Շվեդիայի վարչապետին հղում անելով գրում է Reuters-ը։
«Թուրքիան հաստատում է, որ մենք արել ենք այն, ինչ խոստացել ենք և որ կանենք, միաժամանակ նաև ասում են, որ ուզում են բաներ, որոնք մենք չենք կարող կամ չենք ուզում տալ նրանց», – ասել է վարչապետ Ուլֆ Քրիստերսոնը Շվեդիայում կայացած համաժողովի ընթացքում։
Ֆինլանդիան և Շվեդիան Թուրքիայի հետ եռակողմ համաձայնագիր էին ստորագրել 2022 թ-ին, որի նպատակն է հաղթահարել Անկարայի առարկությունները ՆԱՏՕ-ին անդամակցության վերաբերյալ։
Ավելի ուշ կայացած մամուլի ասուլիսում Քրիստերսոնը նշել է, որ այն պահանջները, որոնք Շվեդիան չի կարողացել կամ ցանկացել կատարել, դուրս էին եռակողմ հուշագրի շրջանակներից:
«Ժամանակ առ ժամանակ, Թուրքիան հիշատակում է անձանց, որոնց նրանք ցանկանում են Շվեդիայից արտահանձնված տեսնել։ Ես ասել եմ, որ այդ հարցերը կարգավորվում են Շվեդիայի օրենսդրությամբ»,-ասել է վարչապետը։
Հավելենք, որ դաշինքի անդամ երկրներից միայն Թուրքիան ու Հունգարիան են, որ դեռ չեն վավերացրել Շվեդիայի ու Ֆինլանդիայի՝ ՆԱՏՕ-ին անդանակցության դիմումը։
Էմմա Չոբանյան
