19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ադրբեջանի ԱԳՆ-ն արձագանքել է ՀՀ ԱԳՆ-ի` Լաչինի միջանցքի փակման վերաբերյալ հայտարարությանը
Քաղաքականություն
04.01.2023 | 15:00
Ադրբեջանի ԱԳՆ-ն արձագանքել է ՀՀ ԱԳՆ-ի՝ Բաքվի կողմից Լաչինի միջանցքի արգելափակման մասին հայտարարությանը։ Սովորության համաձայն՝ Բաքուն իրեն բնորոշ կեղծ և իրականության հետ աղերս չունեցող պատասխան է տարածել։
Մասնավորապես, հայտարարության մեջ ասվում է, որ «Հայաստանի ԱԳ նախարարության 2023 թվականի հունվարի 3-ի հերթական հայտարարությունը Լաչինի ճանապարհին տեղի ունեցած բողոքի ակցիայի վերաբերյալ բացարձակապես անհիմն է և նպատակ ունի այս հարցում մոլորեցնել միջազգային գործընկերներին և արհեստականորեն սրել իրավիճակը»։
«Ակնհայտ է, որ հայկական կողմը նախկին պես շահագրգռված է Ադրբեջանի տարածքում անօրինական տնտեսական և այլ գործողությունների շարունակմամբ։ Ադրբեջանի տարածք որևէ առաքելություն ուղարկելու՝ Հայաստանի կոչերը դիտվում են որպես հերթական սադրանք Ադրբեջանի ինքնիշխանության և տարածքային ամբողջականության դեմ և պետք է դադարեցվեն»,- ասվում է հայտարարության մեջ։
Բացի այդ, Բաքուն շարունակում է տարածել կեղծիքը, թե, իբր, չի արգելափակել Լաչինի միջանցքն ու հումանիտար ճգնաժամ չի առաջացրել Արցախում, իսկ Հայաստանին մեղադրում է 2020 թվականի նոյեմբերի 9-ի հայտարարության խախտման մեջ։
Հավելենք, որ արդեն 24-րդ օրն է՝ Ադրբեջանի իշխանությունները փակ են պահում Լաչինի միջանցքը՝ Արցախում առաջացնելով հումանիտար ճգնաժամ։
Էմմա Չոբանյան
