18.12.2025 | 23:24
ՀՀ տարածքում ավտոճանապարհները հիմնականում անցանելի են
Կառավարությունը միանձնյա որոշումներով չպետք է առաջ գնա. Արմեն Ռուստամյան. ՏԵՍԱՆՅՈՒԹ
Քաղաքականություն
12.06.2018 | 12:45
«Բոլորս պետք է հարգանքով մոտենանք միմյանց տեսակետներին, մանավանդ` երբ տեսակետ է հայտնում ոչ միայն պարզապես նախարար Արծվիկ Մինասյանը, այլ նա պաշտպանում է ՀՅԴ-ի մոտեցումը, որը վաղուց ի վեր հայտնի է եղել»,- խորհրդարանում լրագրողների հետ զրույցում անդրադառնալով երեկ վարչապետ Նիկոլ Փաշինյանի և Տնտեսական զարգացումների և ներդրոումների նախարար Արծվիկ Մինասյանի միջև տեղի ունեցած միջադեպին՝ ասաց ԱԺ ՀՅԴ խմբակցության ղեկավար Արմեն Ռուստամյանը:
Արմեն Ռուստամյանը նաև պարզաբանեց, թե ինչու են դեմ պարտադիր կուտակային կենսաթոշակային համակարգին: «Մենք կողմ ենք սերունդների համերաշխության սզբունքին: Բացի այդ` սեփականության իրավունք գոյություն ունի, և սեփականության տնօրինողը սեփականատերն է: Պարտադրանքով ստիպել, որ իր եկամուտների մի մասն այս կամ այն կողմ ուղղի, նույնպես հակասում է մեր սկզբունքներին: Երրորդ պատճառն այն է, որ մենք չենք տեսնում, որ ժողովրդի սոցիալական վիճակն այն աստիճան է բավարարված, որ կան հավելյալ եկամուտներ, միջոցներ, որ անձը կարող է տրամադրել` թեկուզ ապագայում որոշակի ակնկալիքների համար: Մենք այսօրվա սոցիալական նվազագույն խնդիրները չենք լուծել: Աղքատության շեմն այսքան բարձր է, թեպետ իրականում երկու անգամ ավելի շատ է, քան պաշտոնական թիվը, բայց այդ պարագայում էլ ունենք հսկայական աղքատություն: Չհաղթահարելով սոցիալական խնդիրները` մարդուն ասել` այսօրվա հարցերդ թող, ապագայիդ մասին մտածի, սկզբունքորեն մեզ համար անընդունելի է: Ուստի մենք այս դիրքորոշումը պաշտպանել, պաշտպանում և կպաշտպանենք, որովհետև սա մեր հիմնարար գաղափարն է»:
Մանրամասները՝ տեսանյութում:
