13.09.2026 | 20:00
Ո՞վ կարող է տուն առնել Երևանում․ անշարժ գույքի շուկայի «անհասանելի» ՇԵՐՏԵՐԸ․ ՏԵՍԱՆՅՈՒԹ
«Ադրբեջանը պահանջում է, որ Ռուբեն Վարդանյանը լքի Լեռնային Ղարաբաղը»․ Բայրամովը՝ Լավրովին
Քաղաքականություն
23.12.2022 | 17:08
Ադրբեջանը պահանջում է, որ Արցախի պետնախարար Ռուբեն Վարդանյանը հեռանա Լեռնային Ղարաբաղից։ Այս մասին հայտարարել է Ադրբեջանի ԱԳ նախարար Ջեյհուն Բայրամովը Մոսկվայում ՌԴ ԱԳ նախարար Սերգեյ Լավրովի հետ մամուլի ասուլիսում, գրում է ՏԱՍՍ-ը։
«Նրա (Վարդանյանի) գործունեությունը կրում է հանցավոր և արկածախնդիր բնույթ։ Մենք կարծում ենք, որ դրան պետք է վերջ տրվի։ Ինչքան շուտ այդ մարդը լքի այդ տարածաշրջանը, այնքան լավ կլինի բոլորի համար։ Առաջին հերթին դրանից տուժում է տեղի բնակչությունը»,- ասել է Բայրամովը։
ՌԴ ԱԳ նախարար Սերգեյ Լավրովն էլ նշել է, որ Ռուբեն Վարդանյանը Ռուսաստանի հետ որևէ կապ չունի։
«Վարդանյանի դիմումի համաձայն՝ ՌԴ նախագահը նրան զրկել է քաղաքացիությունից։ Նրա այցը Ղարաբաղ ոչ մի կապ չունի Ռուսաստանի հետ»,- ասել է Լավրովը։
Էմմա Չոբանյան
