09.12.2025 | 20:54
Թրամփը հայտարարել է, որ Եվրոպան շատ առումներով վատ է աշխատում
Ավարտվեց «The Artfor’s — արվեստ հանուն ավելիի նկարիչները փրկում են կյանքեր» առցանց բարեգործական աճուրդը՝ հօգուտ Զինծառայողների ապահովագրության հիմնադրամի
Հասարակություն
22.12.2022 | 10:51
Ավարտվեց «The Artfor’s — արվեստ հանուն ավելիի նկարիչները փրկում են կյանքեր» առցանց բարեգործական աճուրդը՝ հօգուտ Զինծառայողների ապահովագրության հիմնադրամի (ԶԱՀ) և Վահե Մելիքսեթյան հիմնադրամի, որը մեկնարկել էր դեկտեմբեի 11-ին։ Մեկ շաբաթ շարունակ մեր հայրենակիցները Հայաստանից և սփյուռքից ուշի-ուշով հետևում էին օնլայն հարթակին, նոր գին առաջարկում իրենց սիրելի արվեստի գործը ձեռքից բաց չթողնելու և բարեգործություն անելու համար։
Արդյունքում վաճառվեց 30 նկար $7,850 (3,111,662 ՀՀ դրամ) ընդհանուր արժողությամբ, որից $4,100 (1,625,199 ՀՀ դրամ)՝ հօգուտ Զինծառայողների ապահովագրության հիմնադրամի և $3,750 (1,486,463 ՀՀ դրամ)՝ Վահե Մելիքսեթյան հիմնադրամի, որից վերջինս 300,000 ՀՀ դրամը կփոխանցի ԶԱՀ-ին։
Շնորհակալություն ենք հայտնում The Artfor’s-ի հայրենասեր երիտասարդների թիմին, ում նախաձեռնությամբ կյանքի կոչվեց բարեգործական աճուրդը։
Շնորհակալություն ենք հայտնում նաև Վահե Մելիքսեթյան հիմնադրամին՝ իր նկարների վաճառքից ստացված գումարի շուրջ 20%-ը Զինծառայողների ապահովագրության հիմնադրամին նվիրաբերելու համար։
Հատուկ շնորհակալություն ենք հայտնում բոլոր նկարիչներին, ովքեր նվիրեցին իրենց արվեստի գործերը և մաս դարձան այս կարևոր և հայրենանվեր նախաձեռնության։
Աճուրդի ողջ հասույթն ուղղվելու է Հայաստանում և Արցախում պատերազմի հետևանքով տուժած զինծառայողներին և նրանց ընտանիքներին․ ավելի քան 4,400 զոհված և անհայտ բացակայող հերոսների ընտանիքների և ավելի քան 600 զինհաշմանդամություն ստացած զինծառայողների։
Չնայած աճուրդն ավարտվել է, սակայն նկարները դեռևս հասանելի են հարթակում, և Դուք հնարավորություն ունեք ձեռք բերել արվեստի յուրահատուկ գործեր։ Ամբողջական կատալոգը հասանելի է աճուդի կայքում՝ theartfors.com։
