25.06.2026 | 15:18
Իսրայելը հերքում է Լիբանանի որոշ հատվածներից զորքերը դուրս բերելու մասին ԱՄՆ-ի հայտարարությունը
Մոսկվան ՌԴ-ի նկատմամբ թշնամական է համարում Կիևին С-300-ներ մատակարարելու՝ Հունաստանի ծրագրերը․ Զախարովա
Քաղաքականություն
19.12.2022 | 17:53
Մոսկվան Ռուսաստանի նկատմամբ թշնամական է համարում Կիևին C-300-ներ և ռուսական կամ խորհրդային արտադրության հակաօդային պաշտպանության այլ համակարգեր մատակարարելու՝ Հունաստանի «սադրիչ ծրագրերը»։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։
«Վերջին ժամանակում հունական ղեկավարությունն ավելի հաճախ է հայտարարում Կրետե կղզում տեղակայված C-300 զենիթահրթիռային համակարգերն Ուկրաինային փոխանցելու պատրաստակամության մասին՝ դրանք ամերիկյան Patriot ՀՕՊ համակարգերով փոխարինելու պայմանով։ Կիևի ռեժիմին С-300-ներ և ռուսական կամ խորհրդային հակաօդային պաշտպանության այլ համակարգեր մատակարարելու՝ սադրիչ ծրագրերը համարում ենք բացահայտ թշնամական Ռուսաստանի նկատմամբ։ Անտեսվում է Հունաստանի քաղաքացիների կարծիքը, որոնց 70%-ը, ըստ հասարակական կարծիքի հարցումների, դեմ է Ուկրաինային զենքով օգնելուն»,- հայտարարել է Զախարովան։
Նա նաև նշել է, որ Հունաստանը բացարձակ անտարբերություն է ցուցաբերում զենքի առևտրի միջազգային սահմանափակումների նկատմամբ։
«Կա նաև հունական կողմի լիակատար անտարբերությունը զենքի առևտրի միջազգային սահմանափակումների նկատմամբ, որոնք թույլ չեն տալիս դրանց արտահանումն այն տարածաշրջաններ, որտեղ դա կարող է հանգեցնել միջազգային մարդասիրական իրավունքի խախտման և նպաստել հակամարտությունների սրմանը»,- ասվում է հաղորդագրության մեջ։
Էմմա Չոբանյան
