02.06.2026 | 15:10
Զինծառայողի դի է հայտնաբերվել // Ձերբակալվել է «Մեր ձևով»-ի խորհրդի անդամ Ալեքսան Ալեքսանյանը․ ԼՈՒՐԵՐ
Արցախի ՏԿԵՆ-ը բնակչությանը կոչ է անում հնարավորինս խնայողաբար օգտագործել էլեկտրաէներգիան
15.12.2022 | 22:26
ԱՀ տարածքային կառավարման և ենթակառուցվածքների նախարարությունը տեղեկաղնում է, որ Արցախի ներկայիս էներգետիկ պաշարները ապահովում են ներքին սպառման միայն 57 տոկոսը, մնացածը ներմուծվում է Հայաստանի Հանրապետությունից` միայն մեկ` «Շինուհայր-Ստեփանակերտ» 110կվ օդային գծով:
44֊օրյա պատերազմի արդյունքում տվյալ գծի մի զգալի մասը անցնում է Ադրբեջանի վերահսկողության տակ գտնվող տարածքով, ինչը խոչնդոտում է գծի լիարժեք սպասարկմանը և, բնականաբար, պարունակում է համապատասխան ռիսկեր՝ ցանկացած վթար կարող է անդրադառնալ էներգամատակարարման համակարգի վրա: Իսկ եթե դա տեղի ունենա, ապա Հանրապետության էլեկտրաէներգետիկական համակարգում կառաջանա հզորության դեֆիցիտ և ստիպված կլինենք անցնել հովհարային անջատումների:
Պայմանավորված գազամատակարարման դադարեցմամբ, ինչպես նաև ներկա ջեռուցման ժամանակաշրջանից, կտրուկ բարձրացել է օդային գծերի ծանրաբեռնվածության աստիճանը: Հետագայում վթարային անջատումներից խուսափելու համար բնակչությունը պետք է հնարավորինս խնայողաբար օգտագործի էլեկտրական էներգիան, ինչի համար անհրաժեշտ է.
▪️ բոլորր շիկացման լամպերը փոխարինել ԼԵԴ լամպերով,
▪️ լրացուցիչ միջոցներ ձեռնարկել բնակելի տների ջերմամեկուսացման ուղղությամբ,
▪️ ջեռուցիչները միացնել ավելի ցածր ջերմաստիճանի վրա,
▪️տնից դուրս գալիս անջատել վարդակից բոլոր սարքերը:
