23.06.2026 | 13:21
Փարիզում կայացած ՏՀԶԿ հանդիպման արդյունքներով Հայաստանն ընտրվել է փոխնախագահող երկիր
Բայրամովը հայտարարել է, թե Արցախում որևէ հումանիտար ճգնաժամ չկա
Քաղաքականություն
15.12.2022 | 19:25
Ադրբեջանի ԱԳ նախարար Ջեյհուն Բայրամովը երկրում հավատարմագրված դիվանագիտական կորպուսի ներկայացուցիչների հետ հանդիպմանը հայտարարել է, թե Լեռնային Ղարաբաղում, իբր, որևէ հումանիտար ճգնաժամ չկա։
Հերթական անգամ խեղաթյուրելով իրականությունը՝ Բայրամովն ասել է, թե պնդումները, որ Բաքվի կողմից Լաչինի միջանցքի փակումը հանգեցրել է Արցախում հումանիտար ճգնաժամի, իրականությանը չեն համապատասխանում։
Բացի այդ, Ադրբեջանի ԱԳՆ ղեկավարը նշել է, որ Բաքվի կողմից ուղարկված, իբր, ակտիվիստների պահանջները չեն կատարվել՝ ակնարկելով, որ ճանապարհը կբացվի դրանք կատարելու դեպքում միայն։
Բայրամովը նաև հայտնել է, որ դեկտեմբերին նախատեսվում է հանդիպում Հայաստանի ԱԳ նախարար Արարատ Միրզոյանի հետ՝ հավելելով, որ նման պայմանավորվածություն արդեն կա։
Հիշեցնենք, որ Ադրբեջանի իշխանություններն արդեն չորրորդ օրն է՝ փակել են Լաչինի միջանցքը՝ շրջափակման մեջ պահելով Արցախը։ Բացի այդ, անջատվել է Արցախի գազամատակարարումը։
Էմմա Չոբանյան
