01.02.2026 | 20:00
Մեղրիի լեռնանցքում սաստիկ բուք է
Այս սադրանքը Ալիևի դեմ պիտի շուռ տանք․ Ադրբեջանը ՌԴ-ի համաձայնությամբ ՀՀ-ից պահանջում է միջանցք․ Միքայել Զոլյան․ ՏԵՍԱՆՅՈՒԹ
Քաղաքականություն
14.12.2022 | 20:32
Ի՞նչ է նշանակում ՀՀ ԱԳՆ-ի հայտարարությունը, որով նախ՝ նրանք ահազանգում են Արցախում հումանիտար աղետի վտանգի մասին, և հաջորդիվ տեղեկացնում, որ առաջիկայում խորհրդակցություններ կսկսեն միջազգային գործընկերների հետ՝ ԼՂ հայության իրավունքների և անվտանգության ապահովման միջազգային մեխանիզմների գործարկման կամ վերագործարկման նպատակով։
Քաղաքագետ Միքայել Զոլյանը, մեկնաբանելով ԱԳՆ-ի այս պնդումը, կարծիք է հայտնում, որ միջազգային կառույցների ներգրավման անհրաժեշտություն կա․ «Ակնհայտ է, որ Արցախում ռուսական խաղաղապահ առաքելությունը չի ցանկանում կամ չի կարողանում իրականացնել իր գործառույթները։ Նոյեմբերի 9-ի հայտարարության համաձայն՝ Լաչինի միջանցքը պիտի լիներ ռուս խաղաղապահների հսկողության ներքո, և Ադրբեջանը պարտավորվում էր երաշխավորել միջանցքով երկկողմանի երթևեկության ազատ տեղաշարժը։ Հիմա մենք տեսնում ենք, որ դա տեղի չի ունենում, և խաղաղապահները չեն ապահովում դա։ Այստեղ պարզ է, որ ուրիշ լուծումներ են պետք, քանի որ Թուրքիայից և Ադրբեջանից կախում ունեցող ՌԴ-ն պատասխան չի տալու Ադրբեջանի սադրանքներին»։
Քաղաքագետը, որ ադրբեջանական սադրանքն առնվազն ՌԴ-ի լուռ համաձայնությամբ իրականացվող է բնորոշում, նշում է, որ հայկական կողմի քաղաքականությունը պետք է լինի Ալիևի սադրանքներն իր իսկ դեմ շուռ տալը, քանի որ փաստված է՝ Ադրբեջանն անվտանգություն չի կարող ապահովել, հակառակը՝ ԼՂ-ում ստեղծել է հումանիտար լուրջ ճգնաժամ։
Հարցազրույցն ամբողջությամբ՝ տեսանյութում։
Ռոբերտ Անանյան
