09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Թուրքիան կասեցրել է Հունաստանի հետ կնքած փախստականների հետընդունման մասին համաձայանգիրը
Քաղաքականություն
08.06.2018 | 15:35
Թուրք-հունական հարաբերությունների լարվածության պայմաններում պաշտոնական Անկարան Աթենքի դեմ գործնական քայլերի է գնում. փոխանցում է ermenihaber-ը:
Հայտնի է դարձել, որ Թուրքիան կասեցրել է Հունաստանի հետ փախստականների հետընդունման (ռեադմիսիայի) մասին համաձայնագիրը։
Այդ մասին տեղեկացրել է Թուրքիայի արտաքին գործերի նախարար Մևլութ Չավուշօղլուն։
2001թ.-ին կնքված թուրք-հունական երկկողմ պայմանագրով նախատեսվում է, որ Թուրքիայի տարածքով Հունաստան անցած 3-րդ երկրի քաղաքացիները արտահանձնվելու են պաշտոնական Անկարային։
Մինչ 2016թ. հեղաշրջման փորձը, Հունաստանը Թուրքիային էր արտահանձնել ընդհանուր 5000 անօրինական ներգաղթյալ։ Սակայն հեղաշրջման փորձից հետո ոչ մի փախստական հետ չի ուղարկվել Թուրքիա։
Հիշեցնենք, որ թուրք-հունական հարաբերությունները ավելի լարվեցին այն բանից հետո, երբ Հունաստանի դատարանը ազատ արձակեց բոլոր այն թուրք զինվորականներին, ովքեր Թուրքիայում տեղի ունեցած ռազմական հեղաշրջման փորձից հետո փախել էին Հունաստան և ապաստան գտել այնտեղ։ Այդ զինվորականները Թուրքիայի իշխանությունների կողմից մեղադրվում են ռազմական հեղաշրջման փորձին մասնակցելու մեջ։
