Քաղաքականություն
08.06.2018 | 13:17«Եթե կլինեն հարցեր, որոնք վնասել են սյունեցուն, հավաստիացնում եմ, որ իրենք օրենքի ողջ խստությամբ պատասխանատվության կենթարկվեն»,- այս մասին այսօր կառավարության նիստից հետո լրագրողների հետ զրույցում նշեց Սյունիքի նորանշանակ մարզպետ Կարեն Համբարձումյանը:
Հիշեցմանը, որ նախկին մարզպետ Սուրիկ խաչատրյանի ժամանակ մարզում վախի մթնոլորտ էր տիրում, մարզպետն արձագանքեց. «Եթե կա վախի մթնոլորտ, ես բոլոր սյունեցիներին կոչ եմ անում այս պահից չունենալ վախի մթնոլորտ, որովհետև ես պատասխանատու եմ բոլոր սյունեցիների համար: Ես ցանկացած պահի հասանելի եմ ցանկացած սյունեցու: Ես մինչ այս էլ անձնապես սատար եմ եղել սյունեցիներին իմ հնարավորությունների չափով»:
Լրագրողները նաև հետաքրքրվեցին՝ ի՞նչ ազդեցություն կունենա մարզի վրա նախկին մարզպետ Սուրիկ Խաչատրյանը, որը մի շարք քրեական գործերով է անցել, Կարեն Համբարձումյանն ասաց. «Ոչ ոք չի կարող ինձ վրա ազդեցություն ունենալ»:
Մանրամասները՝ տեսանյութում:
